Raaghyn Creeney 28:8 - Yn Vible Casherick 1775 1819

⁸ Eshyn ta liorish use trome, as cosney mee-chairagh, bishaghey e chooid, nee eh chaglym er e hon-syn, ghoys chymmey er ny boghtyn.

Raaghyn Creeney 28:8 ပူးပေါင်းရင်းမြစ်များ

2 Samuel 12:6

As nee eh lhiasaghey kiare-filley ’yannoo son yn eayn, er-yn-oyr dy ren eh lheid y red shoh, as nagh row chymmey ’sy chree.

Psalmyn 72:13

Bee eh foayroil da’n vooinjer ôney as ny ymmyrchee: as nee eh anmeenyn ny boghtyn y choadey.

Exodus 22:25

My ver oo argid er eeasaght da veg jeh my phobble, ta fo boghtynid mayrt, cha jig oo ro hionn er, chamoo hroggys oo thack jeh.

Raaghyn Creeney 13:22

Ta dooinney mie faagail eiraght da cloan e chlienney: as ta cooid y drogh-yantagh stoyrit cour yn er-cairagh.

Raaghyn Creeney 14:21

Eshyn ta soiaghey beg jeh e naboo, t’eh jannoo peccah: agh eh ta chymmoil er ny boghtyn s’maynrey t’eh.

Raaghyn Creeney 14:31

Eshyn ta tranlaasagh er y voght, t’eh goltooan e Er-croo: agh t’eh coyrt ooashley dasyn ta chymmoil er ny boghtyn.

Raaghyn Creeney 19:7

Ta deiney-mooinjer y voght ooilley dy choyrt cooyl rish: cre-woad smoo ta e chaarjyn goll foddey veih? t’eh geiyrt orroo lesh e ghoan, agh cha vel geill oc da.

Ecclesiastes 2:26

Son ta Jee cur creenaght as tushtey, as gerjagh da’n dooinney ta mie ayns e hilley: agh da’n drogh ghooinney t’eh coyrt imnea, dy haglym as dy chruinnaghey cooid, dy ve faagit dasyn ta mie ayns shilley Yee. Ta shoh myrgeddin fardail as seaghney cree.

Ezekiel 18:13

T’er chur magh er use, as er n’ghoaill bishaghey: bee y lheid echeysyn bio? Cha bee eh bio: t’eh er n’yannoo ooilley ny ard-pheccaghyn shoh, yiow eh son shickyrys baase, bee yn uill echey er e chione hene.

Ezekiel 18:17

Ta er lhiettal e laue veih chennid er y voght, nagh vel er n’ghoaill use ny tack, ta er chooilleeney my vriwnyssyn, ta er n’immeeaght ayns my lattyssyn; cha vow eh shoh baase son mee-chairys e ayr, bee eh son shickyrys bio.

Ezekiel 18:8

Eshyn nagh vel er chur magh er use, ny er n’ghoaill bishaghey, t’er reayll e laue veih mee-chairys, t’er n’yannoo briwnys firrinagh eddyr dooinney as dooinney,

Leviticus 25:36

Ny trog veg yn use ny bishagh jehsyn: agh gow aggle roish dty Yee: dy vod dty vraar baghey mayrt.