Raaghyn Creeney 28:4 - Yn Vible Casherick 1775 1819

⁴ Adsyn ta treigeil y leigh, t’ad moylley ny mee-chrauee: agh lheid as ta freayll y leigh t’ad coyrt eddin daue.

Raaghyn Creeney 28:4 ပူးပေါင်းရင်းမြစ်များ

1 Reeaghyn 18:18

As dreggyr eh, Cha nee mish t’er voirey Israel; agh uss as thie dt’ayrey, ayns dy vel shiu er hreigeil saraghyn y Chiarn, as t’ou uss er n’eiyrt er Baalim.

1 Reeaghyn 18:21

As haink Elijah gys ooilley’n pobble, as dooyrt eh, Caïd ta shiu leaystey eddyr daa chredjue? my she’n Chiarn y Jee, eiyr-jee er: agh my she Baal, eisht eiyr-jee ersyn. As cha dug y pobble fockle dy ansoor da.

Nehemiah 13:15

As ayns ny laghyn shen, honnick mee ayns Judah sleih stampey pressyn-feeyney er y doonaght, as chur lhieu bunneeyn, as laadey assylyn; as myrgeddin cur lhieu feeyn, berrishyn-feeyney, as figgyn, as dy chooilley vonney dy erraghyn gys Jerusalem, er y doonaght: as dymmyrk mee feanish nyn ’oï, gyn arragh dy chreck cooid-veaghee er y laa shen.

Nehemiah 13:28

As va fer jeh mec Joiada, mac Eliashib yn ard-saggyrt, cleuin Sanballat yn Horonite: shen-y-fa deiyr mee voym eh.

Psalmyn 10:3

Son ta’n dooinney mee-chrauee er voggyssagh jeh yeearree e chree hene: as loayrt dy mie jeh’n er sayntoilagh ta feoh ec Jee er.

Psalmyn 49:18

Son choud’s v’eh bio, yeeagh eh er hene dy ve dooinney maynrey: as choud’s t’ou jannoo dy mie dhyt hene, loayree deiney dy mie jeed.

Jeremiah 5:30

Ta red yindyssagh as atchimagh jeant ’sy cheer;

Noo Mian 14:4

Son va Ean er ghra rish, Te noi yn leigh, ee dy ve ayd son ben.

Noo Mian 3:15

Dreggyr Yeesey, as dooyrt eh rish, Cur raad dou nish: son shoh myr te cooie dooin dy chooilley chairys y chooilleeney. Eisht lhig eh da.

Noo Mian 3:7

Agh tra honnick eh ymmodee jeh ny Phariseeyn as ny Sadduceeyn cheet gys e vashtey, dooyrt eh roo, O shiuish heeloghe dy ard-nieughyn, quoi t’er chur raaue diu dy hea veih yn jymmoose ta ry-heet?

Jannoo 12:22

As dyllee yn pobble, She coraa Yee t’ayn, as cha nee coraa dooinney.

Jannoo 15:2

Tra va streeu er-y-fa shen as resooney nagh nee beggan er ve ec Paul as Barnabas roo, ghow ad ayns laue dy ragh Paul as Barnabas as shiartanse elley mâroo, seose gys Jerusalem gys ny ostyllyn as y chanstyr mychione y question shoh.

Jannoo 19:9

Agh tra daase shiartanse jeu roonagh, as mee-chredjuagh, loayrt dy lunagh noi yn credjue shen kiongoyrt rish y pobble, hug eh cooyl roo, as scarrey ny Creesteenyn voue, dynsee eh gagh laa ayns schoill fer va enmyssit Tyrannus.

Romanee 1:32

Ga dy vel toiggal oc jeh briwnys Yee, (dy vel adsyn ta cur rish lheid ny reddyn shoh toilchin baase) cha vel ny-lomarcan jannoo ny reddyn cheddin ad-hene, agh ta taitnys oc ayndoosyn ta cur roo.

Ephesianee 5:11

As ny lhig da sheshaght erbee ’ve eu rish obbraghyn neu-vessoil y dorraghys, agh ny sleaie cur oghsan daue:

1 Thessalonianee 2:2

Agh dy jarroo lurg dooin ve roïe er hurranse, as er gheddyn dellal scammyltagh, myr ta fys eu, ec Philippi, va shin dunnal ayns y [Jee ain, dy phreacheil diu sushtal] Yee lesh lane streeu.

1 Ean 4:5

T’adsyn jeh’n theihll: shen-y-fa t’ad loayrt jeh’n seihll, as ta’n seihll geaishtagh roo.

Jude 1:3

Chaarjyn, tra va mish ayns lane imnea dy scrieu hiuish mychione y taualtys cadjin, ve ymmyrchagh dooys dy scrieu hiu, as dy choyrlaghey shiu dy jeean dy hassoo seose son y chredjue va un cheayrt er ny livrey da ny nooghyn.