Raaghyn Creeney 28:2 - Yn Vible Casherick 1775 1819

² Son peccaghyn y cheer ta ny princeyn eck ymmodee: agh liorish dooinney creeney as tushtagh bee yn stayd eck foddey beayn.

Raaghyn Creeney 28:2 ပူးပေါင်းရင်းမြစ်များ

1 Reeaghyn 15:25

As ren Nadab mac Yeroboam goaill toshiaght dy reill harrish Israel, ’sy nah vleïn jeh Asa ree Yudah, as ren eh reill harrish Israel daa vleïn.

1 Reeaghyn 15:28

Dy jarroo ’sy trass vleïn jeh Asa ree Yudah ren Baasha eh y varroo, as reill ayns e ynnyd.

Raaghyn Creeney 11:11

Liorish bannaght deiney mie, ta’n ard-valley dy maynrey: agh te currit mow liorish beeal ny mee-chrauee.

Ecclesiastes 9:15

Nish va er ny gheddyn ayn dooinney boght creeney, as ren eshyn liorish e chreenaght yn balley y livrey; ny-yeih, cha chooinee peccagh erbee er y dooinney boght cheddin.

Isaiah 58:12

As nee adsyn hig jeed’s troggal ny shenn tholtanyn: nee oo troggal er undinyn ymmodee sheelogheyn; as bee oo enmyssit Lhiaseyder yn vrishey, dy chiartaghey raaidyn rea gys nyn gummallyn.

Daniel 4:27

Shen-y-fa, O ree, gow dy arryltagh my choyrle’s, as brish jeh dty pheccaghyn liorish ynrickys, as dty vee-chairys liorish soilshaghey myghin da’n voght, hoiggal, myr shen dy bee dty vaynrys ny-sodjey beayn.

Hosea 13:11

Hug mee dhyt ree ayns my chorree, as ghow mee eh ersooyl ayns my yymmoose.