Raaghyn Creeney 28:14 - Yn Vible Casherick 1775 1819

¹⁴ S’maynrey yn dooinney ta dy kinjagh ayns aggle (Yee): agh nee eshyn, chreoghys e chree, tuittym ayns olk.

Raaghyn Creeney 28:14 ပူးပေါင်းရင်းမြစ်များ

Lioar Yob 9:4

T’eshyn creeney ayns cree, as niartal ayns troshid: quoi t’er chreoghey eh-hene n’oï, as er vishaghey?

Psalmyn 112:1

Bannit ta’n dooinney ta goaill aggle roish y Chiarn: ta taitnys mooar echey ayns e annaghyn.

Psalmyn 16:8

Ver-yms booise da’n Chiarn son raaue y choyrt dou: ta my veeghyn neesht dy my choyrlaghey er imbagh ny hoie.

Psalmyn 2:11

Shirveish-jee yn Chiarn lesh aggle: as gow-jee boggey ayn lesh arrym.

Psalmyn 95:8

Jiu my nee shiu clashtyn e choraa, ny creoi-jee nyn greeaghyn: myr ayns y vrasnagh, as ayns laa yn violagh ayns yn aasagh;

Exodus 14:23

As hie ny Egyptianee er nyn eiyrt’s, as deiyr ad orroo gys mean yn aarkey, eer ooilley cabbil Pharaoh, ny fainee, as ny markee.

Exodus 7:22

As ren fir-obbee Egypt y lheid cheddin lesh nyn obbeeys; as va cree Pharaoh er ny chreoghey; chamoo hug eh geill daue; myr va’n Chiarn er ghra.

Exodus 7:23

As hyndaa Pharaoh, as jimmee eh gys e hie, chamoo ghow eh shoh hene gys e chree.

Raaghyn Creeney 23:17

Ny lhig da dty chree troo mysh drogh-yantee: agh bee uss ayns aggle y Chiarn fey-yn-laa liauyr.

Raaghyn Creeney 29:1

Eshyn ta dy mennick coyrlit, as creoghey e wannal, bee eh doaltattym er ny stroie, as shen fegooish couyr.

Ecclesiastes 8:12

Ga dy jean peccagh olk keead keayrt, as e laghyn dy ve foddey beayn; foast, son shickyrys ta fys aym, dy bee eh dy mie mâroosyn, ta ayns aggle kiongoyrt rish.

Isaiah 66:2

Son dy chooilley nhee jeu shoh ooilley ta my laue hene er chummey, as liorym’s ta ooilley ny reddyn shoh tannaghtyn, ta’n Chiarn dy ghra: agh gys y dooinney shoh neem’s jeeaghyn, dy jarroo dasyn ta boght as dy chree arryssagh, as arrymagh da my ghoo.

Jeremiah 32:40

As neem’s conaant foddey beayn y yannoo roo, nagh jyndaa-yms ersooyl voue, agh dy jean-yms mie daue; as ver-yms my aggle ayns nyn greeaghyn, nagh jean ad m’y hreigeil.

Romanee 11:20

S’feer eh; v’adsyn brisht jeh kyndagh rish mee-chredjue, as t’ou uss dy hassoo liorish credjue. Ny bee ard-aignagh, agh gow aggle.

Romanee 2:4

Ny vel oo soiaghey beg jeh berchys e vieys, as e veenid, as surranse-foddey, gyn toiggal dy vel mieys Yee dy dty leeideil gys arrys?

Romanee 2:5

Agh cordail rish creoghys dty chree vee-arryssagh, t’ou stoyral seose dhyt hene jymmoose cour laa’n yymmoose, as tra vees briwnys cairagh Yee er ny hoilshaghey;

Hebrewnee 4:1

Lhig dooin er-y-fa shen aggle y ghoaill, erreish da gialdyn ve faagit dooin dy gholl stiagh ’syn ea echey, dy darragh veg jiu giare jeh.

1 Peddyr 1:17

As my ta shiu genmys eshyn nyn Ayr, ta fegooish jannoo soiagh jeh persoonyn, briwnys cordail rish obbyr dy chooilley ghooinney, ceau-jee earish nyn droailtys ayns shoh ayns aggle: