Raaghyn Creeney 28:1 - Yn Vible Casherick 1775 1819

¹ Ta ny kyndee chea, tra nagh vel fer erbee er nyn eiyrt’s: agh ta’n ynrick creeoil myr lion.

Raaghyn Creeney 28:1 ပူးပေါင်းရင်းမြစ်များ

1 Reeaghyn 1:49

As huitt atchim er ooilley ny goaldee va marish Adonijah, as hrog ad orroo, as chossyn ad dy chooilley ghooinney e raad hene.

2 Reeaghyn 7:15

As hie ad geiyrt orroo gys Jordan; as cur-my-ner, va ooilley’n raad lane dy gharmadyn as greinyn-caggee, va ny Syrianee er cheau ersooyl ayns nyn siyr: as hyndaa ny chaghteryn, as dinsh ad da’n ree.

Nehemiah 6:11

As dooyrt mee, Cre, lheid y dooinney as mish dy choyrt cooyl? quoi’n dooinney ’syn oik cheddin, ragh stiagh ’sy chiamble dy hauail e vioys? Cha jem stiagh ayn.

Lioar Yob 15:21

Ta feiyr atchimagh ayns e chleayshyn: ayns mean e vaynrys hig y stroider er.

Psalmyn 112:7

Cha bee eh agglagh jeh drogh naight erbee: son ta e chree shassoo shickyr, as credjal ayns y Chiarn.

Psalmyn 53:5

Nagh vel adsyn fegooish tushtey ta gobbraghey olkys: gee seose my phobble myr ee-agh ad arran? cha vel ad er n’eamagh er Jee.

Psalmyn 53:6

V’ad agglit raad nagh row oyr aggle: son ta Jee er vrishey ny craueyn echeysyn ren soiaghey ort; t’ou er choyrt ad gys nearey, son dy vel Jee er hoiaghey beg jeu.

Exodus 11:8

As hig ooilley ad shoh dty harvaantyn neose hym’s, as nee ad croymmey ad hene hym, gra, Immee uss royd, as ooilley’n pobble ta geiyrt dhyt; as ny lurg shen hem roym. As hie eh magh veih Pharaoh ayns jiarg-chorree.

Raaghyn Creeney 10:9

Eh ta shooyl dy jeeragh, t’eh shooyl shickyr: agh eshyn ta goaill ayns raaidyn cammey, bee eh cronnit.

Raaghyn Creeney 27:27

As bee dty haie bainney goair ayd son dty vee, dy yannoo magh dty lught-thie, as son beaghey dty inneenyn.

Isaiah 30:17

Nee thousane chea ec oghsan unnane; ec oghsan queig nee shiu roie er-chea; derrey vees shiu faagit myr aile son cowrey-caggee er mullagh slieau, as myr mergey er cronk.

Isaiah 7:2

As ve er ny insh da thie Ghavid, gra, Ta Syria ayns coardail rish Ephraim: as va’n cree echey er ny ghleashagh, as cree e phobble, myr ta biljyn y cheyll er nyn leaystey lesh y gheay.

Jeremiah 20:4

Son myr shoh ta’n Chiarn dy ghra, Cur-my-ner, neem’s uss y yannoo dty atchim dhyt hene, as da ooilley dty chaarjyn, as tuittee ad liorish cliwe nyn noidyn, as ver dty hooillyn my-ner eh: as livrey-ym ooilley Judah gys laue ree Vabylon, as ver eh lesh ad ayns cappeeys gys Babylon, as stroie-ee eh ad lesh y chliwe.

Leviticus 26:17

As nee’m soiaghey m’eddin nyn ’oï, as bee shiu er nyn stroie roish nyn noidyn: as nee ad reill harrishdiu, as nee shiu roie er-chea, tra nagh bee fer erbee er nyn eiyrt’s.

Leviticus 26:36

As orroosyn vees faagit bio jiuish, ver-yms annooinid cree ayns cheer nyn noidyn; as nee feiyr duillag criht ad y agglaghey; as nee ad chea, myr veih’n chliwe: as nee ad tuittym, tra nagh bee fer er nyn eiyrt’s.

Jannoo 14:3

Ry-foddey dy earish er-y-fa shen duirree ad ayns shen loayrt dy dunnal ayns y Chiarn, ren feanish y ymmyrkey gys goo e ghrayse hene, coyrt daue pooar cowraghyn as yindyssyn dy ve jeant liorish ny laueyn oc.

Jannoo 4:13

Nish tra hug ad my-ner dunnallys Pheddyr as Ean, as hoig ad nagh row ad agh deiney boght gyn-ynsagh, va yindys orroo, as hooar ad magh neesht dy row ad jeh fir-eiyrtee Yeesey.

Deuteronomy 28:25

Ver y Chiarn ort dy ve er dty imman roish dty noidyn: hed oo magh un raad nyn ’oï, as chea ersooyl rhymboo shiaght raaidyn, as bee shiu skeaylt fud ooilley reeriaghtyn y thallooin.

Deuteronomy 28:7

Ver y Chiarn er dty noidyn, ta troggal seose dt’oï, dy ve bwoailt kiongoyrt rish dt’eddin: hig ad magh dt’oï un raad, as nee ad chea royd shiaght raaidyn.

1 Thessalonianee 2:2

Agh dy jarroo lurg dooin ve roïe er hurranse, as er gheddyn dellal scammyltagh, myr ta fys eu, ec Philippi, va shin dunnal ayns y [Jee ain, dy phreacheil diu sushtal] Yee lesh lane streeu.