Raaghyn Creeney 27:9 - Yn Vible Casherick 1775 1819

⁹ Ta ooil spiceit, as soar millish, ooraghey yn chree: myr shen ta dooinney er ny gherjaghey liorish coyrle dooie e charrey.

Raaghyn Creeney 27:9 ပူးပေါင်းရင်းမြစ်များ

1 Reeaghyn 1:12

Tar nish er-y-fa shen, as lhig dooys, ta mee guee ort, coyrle y choyrt dhyt, dy vod oo dty vioys hene, as bioys dty vac Solomon, y hauail.

Psalmyn 104:15

Dy vod eh beaghey y chur lesh magh ass y thalloo, as feeyn ta gerjaghey cree dooinney: as ooil dy chur da eddin ghennal, as arran dy niartaghey cree dooinney.

Psalmyn 133:2

Te goll-rish yn ooil millish er y chione, roie sheese er yn aasaag: dy jarroo er faasaag Aaron, as ren shilley sheese gys rumbyllyn e choamrey.

Psalmyn 141:5

Ny sleaie lhig da deiney mie m’y cherraghey ayns aigney-mie: as oghsan y choyrt dou.

Psalmyn 23:5

Nee oo boayrd y yannoo aarloo roym ayns yn enish ocsyn ta er my heaghney: t’ou er ooilaghey my chione, as bee my chappan lane.

Raaghyn Creeney 15:23

Ta boggey ec dooinney liorish ansoor e veeal as fockle loayrit ayns traa cooie, oh, cre cha mie as te!

Raaghyn Creeney 16:21

Eh ta creeney ayns cree, vees enmyssit keeayllagh, as ta miljid glare ny meillyn bishaghey ynsagh.

Raaghyn Creeney 7:17

Ta mee er spreih my lhiabbee lesh myrrh, aloes, as cinnamon.

Arrane Solomon 1:3

Son blass dty ooilyn miljey, ta dty ennym myr ooil er ny gheayrtey; shen-y-fa ta ny moidynyn ayns graih rhyt.

Arrane Solomon 3:6

Quoi eh shoh ta cheet seose ass yn aasagh, goll-rish pillaryn jaagh, as mârish bree dy hoar millish myrrh as frankincense, lesh ooilley poodyryn spiceit y varchan.

Arrane Solomon 4:10

Cre cha eunyssagh ta dty ghraih, my huyr, my ven veen! ta dty ghraih foddey erskyn y feeyn share, as soar millish dty ennal roish bree dy chooilley spice s’blaystal.

Noo Ean 12:3

Eisht ghow Moirrey punt dy ooil dy spikenard feer chostal, as ren ee cassyn Yeesey y ooilaghey, as rub ee e chassyn lesh e folt: as va’n thie er ny lhieeney lesh soar yn ooil.

Jannoo 28:15

As veih shen, tra cheayll ny braaraghyn j’in, haink ad magh nyn guail choud as Appii-forum, as ny Three thieyn-oast: as tra honnick Paul ad, hug eh booise da Jee, as ghow eh dunnallys.

Briwnyn 9:9

Agh dooyrt yn billey-olive roo, Bailliu mish dy aagail my veeaylys, lesh t’ad ooashlaghey Jee as dooinney, as mish dy ve soit harrish ny biljyn?