Raaghyn Creeney 27:8 - Yn Vible Casherick 1775 1819

⁸ Myr eean treigeil yn edd eck, shen myr ta’n dooinney ta rouail veih e ynnyd hene.

Raaghyn Creeney 27:8 ပူးပေါင်းရင်းမြစ်များ

Genesis 21:14

As dirree Abraham seose feer voghey, as ghow er arran, as boteil dy ushtey, as hug eh ad da Hagar [coyrt ad er e geaylin] as y lhiannoo, as hug eh ee ersooyl: as jimmee ee ro-ee, as hiee er-shaghryn noon as noal ayns faasagh Beer-sheba.

Genesis 4:16

As hie Cain magh veih fenish y Chiarn, as ren eh cummal ayns cheer Nod, shiar jeh Eden.

1 Reeaghyn 11:22

Eisht dooyrt Pharaoh rish, Agh row laccal erbee ort mârym’s, dy vel oo shirrey goll gys dty heer hene? As dreggyr eh, Cha row laccal erbee: ny-yeih er aght erbee lhig dou goll.

1 Reeaghyn 19:9

As haink eh gys ooig ayns shen, as shen y raad ghow eh aaght: as cur-my-ner, haink goo’n Chiarn huggey, as dooyrt eh rish, Cre t’ou dy yannoo ayns shoh, Elijah?

Raaghyn Creeney 21:16

Eshyn ta er-shaghryn veih’n raad dy hushtey, bee e chronney marish ny merriu deyrit.

Raaghyn Creeney 26:2

Myr ta’n ushag ayns rouail, as y ghollan-gheayee ayns getlagh, myr shen cha jig yn mollaght gyn-oyr.

Raaghyn Creeney 27:7

Ta’n annym lane jiooldey rish yn eer kere-volley; agh da’n accryssagh ta dy chooilley nhee sharroo, blaystal.

Isaiah 16:2

Son hig eh gy-kione, myr ushag er-shaghryn agglit ass yn edd, shen myr vees inneenyn Voab ec aaghyn Arnon.

Jonah 1:3

Agh dirree Jonah seose dy roie er-chea gys Tarshish veih fenish y Chiarn, as hie eh sheese gys Joppa; as hooar eh lhong goll gys Tarshish: myr shen deeck eh yn leagh-shiaullee, as hie eh er boayrd, dy gholl mâroo gys Tarshish, veih fenish y Chiarn.

1 Corinthianee 7:20

Lhig da dy chooilley ghooinney tannaghtyn ’sy stayd cheddin v’eh ayn tra v’eh er ny eam.

Jude 1:13

Tonnyn freanagh yn aarkey, keshal magh yn nearey oc hene; rollageyn rouail, daue ta kiarit yn dooid dy ghorraghys son dy bragh.

1 Samuel 22:5

As dooyrt y phadeyr Gad rish David, Ny fuirree ayns yn ooig shoh; cosne royd, as immee gys cheer Yudah. Eisht hie David roish, as haink eh gys keyll Hareth.