Raaghyn Creeney 27:4 - Yn Vible Casherick 1775 1819

⁴ Ta jymmoose red eulyssagh, as corree mee-reiltagh; agh quoi oddys shassoo roish troo?

Raaghyn Creeney 27:4 ပူးပေါင်းရင်းမြစ်များ

Genesis 26:14

Son v’echey niart shioltaneyn as shellooyn, as mooarane mooinjer, as ren ny Philistinee troo mysh.

Genesis 37:11

As ren e vraaraghyn troo mysh: agh smooinee e ayr dy dowin er y raa.

Genesis 38:9

As va fys ec Onan, nagh beagh y sluight enmyssit ersyn: as haink eh gy-kione, tra hie eh stiagh gys ben e vraarey, dy lhig eh er y thalloo eh, er-chee nagh droggagh eh sluight da e vraar.

Lioar Yob 5:2

Son ta sproght marroo yn dooinney ommijagh, as ta troo stroie yn er mee-hushtagh.

Raaghyn Creeney 14:30

Ta cree follan slaynt y challin: agh ta troo, loauid ny craueyn.

Raaghyn Creeney 27:3

Ta’n clagh trome, as ta’n genniagh errey doillee dy ymmyrkey: agh ta farg yn ommydan ny s’trimmey na ad ny-neesht.

Raaghyn Creeney 6:34

Son ta eadolys eulys y dooinney: shen-y-fa cha bee eh myghinagh ayns laa yn chooilleen.

Arrane Solomon 8:6

Soie mish myr seal er dty chree, myr cowrey er dty roih: son ta graih lajer myr yn baase, ta eadaghey dewil myr yn oaie: ta’n ghuin echey myr smarageyn aile ta ceau chiass loshtee.

Noo Mian 27:18

Son va fys echey dy nee ayns goanlys v’ad er chur stiagh eh.

Jannoo 17:5

Agh ny Hewnyn mee-chredjuagh greinnit lesh goanlys, ghow ad huc shiartanse dy ghrogh gheiney mee-reiltagh; as tra va chaglym mooar jeu oc, hug ad ooilley yn ard-valley bun-ry-skyn, as vrish ad stiagh er niart ayns thie Jason, er-chee ad y choyrt lhieu magh gys y pobble.

Jannoo 5:17

Eisht dirree yn ard-saggyrt as ooilley ny va mârish (v’ad jeh credjue ny Sadduceeyn) as v’ad lane dy yymmoose,

Jannoo 7:9

Agh ny shenn-ayryn greinnit lesh troo chreck ad Joseph gys Egypt, agh va Jee mârish,

Romanee 1:29

Laadit lesh dy chooilley neu-ynrickys, maarderys, olkys, saynt, goanlys; lane dy hroo, dunverys, streeu, molteyraght, drogh-yannoo; scammyltee cooyl-chlea,

1 Ean 3:12

Cha nee myr va Cain, va jeh’n drogh-er shen, as varr e vraar: As cre’n-fa varr eh eh? Er-yn-oyr dy row ny obbraghyn echey hene olk, as obbraghyn e vraarey cairagh.

1 Samuel 18:9

As va drogh hooill ec Saul er David veih’n laa shen magh.