Raaghyn Creeney 27:23 - Yn Vible Casherick 1775 1819

²³ Bee imneagh dy hoiggal stayd dty hioltaneyn, as freill sooill vie er dty hellooyn:

Raaghyn Creeney 27:23 ပူးပေါင်းရင်းမြစ်များ

Genesis 33:13

As dooyrt eh rish, Ta fys ec my hiarn, dy vel y chloan faase, as ta ny shioltaneyn as ny immanyn trome ta mârym: as my vees ad eiyrit ro hiyragh agh un laa, bee yn slane shioltane dy choayl.

2 Recortyssyn 26:10

Hrog eh myrgeddin tooryn ’syn aasagh, as chleiy eh ymmodee chibbraghyn, son va mooarane maase echey, chammah ’sy cheer-injil, as ’sy cheer-rea: eirinnee neesht, as labreeyn gour ny biljyn-feeyney hoie eh ayns ny sleityn, as ayns Carmel: son va taitnys echey ayns obbyr thallooin.

Exodus 7:23

As hyndaa Pharaoh, as jimmee eh gys e hie, chamoo ghow eh shoh hene gys e chree.

Raaghyn Creeney 24:27

Fow aarloo dty obbyr mooie, as jean dty chiartaghyn er y vagher, as lurg shen trog dty hie.

Raaghyn Creeney 24:32

Eisht yeeagh mee, as smooinee mee er shoh dy dowin; honnick mee shoh, as hooar mee ynsagh.

Jeremiah 31:10

Clasht-jee goo yn Chiarn, O shiuish ashoonyn, as jean-jee shoh y hoilshaghey ayns ny hellanyn foddey jeh, as abbyr-jee, Nee eh ren skeayley Israel eshyn y haglym, as nee eh fassaghey eh, myr ta bochilley e hioltane.

Ezekiel 34:12

Myr ta bochilley shirrey magh e hioltane, er y laa t’eh mastey e chirree t’er nyn skeayley; myr shen neem’s shirrey magh my chirree, as livrey-ym ad veih dy chooilley voayl, raad t’ad er ve er nyn skeayley ’sy laa bodjallagh as dorraghey.

Ezekiel 34:31

Nish ta shiuish, my hioltane, eer shioltane my aber, ny deiney, as ta mish yn Jee euish, ta’n Chiarn dy ghra.

Noo Ean 10:3

Dasyn ta’n dorrysser fosley; as ta ny kirree clashtyn e choraa: as t’eh geamagh er e chirree hene lurg nyn ennym, as dy leeideil ad magh.

Deuteronomy 32:46

As dooyrt eh roo, Soie-jee nyn greeaghyn er ooilley ny goan shoh, ta mee coyrt reue er y laa shoh; ver shiu currym er nyn gloan dy choyrt tastey daue, as dy chooilleeney ooilley goan y leigh shoh.

1 Peddyr 5:2

Cur-jee beaghey da shioltane Yee ta ny mast’ eu, goaill y currym harrystoo, cha nee myr êginit, agh dy aggindagh; cha nee er coontey cosney naareydagh, agh jeh aigney arryltagh;

1 Samuel 17:28

As cheayll Eliab e vraar shinney yn glare va eddyr eh as ny deiney; as va corree Eliab er ny ghreesaghey noi David, as dooyrt eh, Cre hug uss ayns shoh? as quoi marish t’ou er n’aagail ny reygyryn shen dy chirree ayns yn aasagh? Shione dou dty voyrn, as mee-reiltys dty chree: cha row chyrrys ayd ayns shoh, agh dy akin y chaggey.