Raaghyn Creeney 27:22 - Yn Vible Casherick 1775 1819

²² Ga dy jinnagh oo ommydan y vroo ayns mortar, mastey curnaght, lesh pestyl, foast cha jean eh scarrey rish e ommijys.

Raaghyn Creeney 27:22 ပူးပေါင်းရင်းမြစ်များ

1 Reeaghyn 13:33

Lurg yn obbyr shoh, cha hyndaa Jeroboam veih e ghrogh raaidyn, agh ren eh reesht jeh’n sleih s’inshley saggyrtyn jeh ny ard-ynnydyn: quoi-erbee baillish, ren eh casherickey eh, as haink eh dy ve fer jeh saggyrtyn ny ard-ynnydyn.

Exodus 12:30

As dirree Pharaoh ’syn oie, eh hene as ooilley e harvaantyn, as ooilley ny Egyptianee; as va eam atchimagh ayns Egypt: son cha row thie raad nagh row fer marroo.

Exodus 14:5

As ve er ny insh da ree Egypt dy row’n pobble er-chea; as va cree Pharaoh as e harvaantyn er ny hyndaa noi’n pobble, as dooyrt ad, Kys ta shin er n’yannoo shoh, dy vel shin er lhiggey’n raad da Israel veih nyn shirveish.

Exodus 15:9

Dooyrt y noid, Hem er nyn eiyrt’s, berr-ym orroo, rheynn-ym y spooilley: bee cooilleeney m’aigney aym orroo; my chliwe nee’m y hayrn, nee my laue ad y stroie.

Raaghyn Creeney 14:24

Ta berchys attey aalin da sleih creeney: agh cha vel ad agh soilshaghey ommijys yn ommydan.

Raaghyn Creeney 23:35

T’ad er woalley mee, nee oo gra, as cha row mee guint; t’ad er my yeealley, as cha dennee mee eh: cuin nee’m doostey? shir-yms huggey reesht.

Raaghyn Creeney 26:11

Myr moddey ta chyndaa reesht gys e skeeah, shen myr ta’n mee-hushtagh chyndaa gys e ommijys.

Isaiah 1:5

Cre’n-fa veagh shiu ny-sodjey er nyn gerraghey? nee shiu girree-magh ny smoo as ny smoo. Ta’n kione ooilley ching, as yn cree ooilley faiynt.

Jeremiah 13:23

Vod yn Ethiopian daah e chrackan y chaghlaa, ny’n leopard e spuitt? eisht foddee shiuish myrgeddin jannoo dy mie, t’er chliaghtey dy chur-rish olk.

Jeremiah 5:3

O Hiarn, nagh vel ny sooillyn ayd’s er yn ynrickys? t’ou uss er lhie dty laue orroo, agh cha vel ad er ghoaill shoh gys nyn gree; t’ou uss dy choyrt mow ad, agh t’ad er n’obbal dy ghoaill kerraghey: t’ad er n’yannoo nyn eddin ny s’creoi na’n chreg; t’ad er n’obbal dy hyndaa.

1 Samuel 19:21

As tra ve inshit da Saul, hug eh chaghteryn elley, as ren adsyn myrgeddin phadeyrys: as hug Saul chaghteryn reesht y trass cheayrt, as ren adsyn myrgeddin phadeyrys.