Raaghyn Creeney 27:20 - Yn Vible Casherick 1775 1819

²⁰ Cha vel yn oaie ny’n baase dy bragh lane: myr shen cha vel sayntyn sooilley dy bragh jeant magh.

Raaghyn Creeney 27:20 ပူးပေါင်းရင်းမြစ်များ

Lioar Yob 26:6

Ta niurin foshlit kiongoyrt rish, as toyrt-mow gyn coodagh.

Raaghyn Creeney 15:11

Ta niurin as toyrt-mow kiongoyrt rish y Chiarn, cre wheesh smoo ta creeaghyn cloan gheiney.

Raaghyn Creeney 23:5

Jean oo dty hooillyn y hoiaghey er shen nagh vel farraghtyn? son ta berchys dy shickyr jannoo skianyn daue hene; t’ad getlagh ersooyl myr urley neealloo yn aer.

Raaghyn Creeney 27:19

Myr ayns ushtey, ta eddin casley rish eddin, myr shen ta cree dooinney gys dooinney.

Ecclesiastes 1:8

Ta dy chooilley nhee lane dy hooilleil, cha vod dooinney fockley-magh eh: cha vel y sooill er ny yannoo magh lesh fakin, ny’n chleaysh skee lesh clashtyn.

Ecclesiastes 4:8

Ta ayn fer ny-lomarcan, as cha vel echey sheshey; dy jarroo chamoo t’echey lhiannoo ny braar: ny-yeih cha vel jerrey er ooilley e hooilleil, chamoo ta e hooill jeant magh lesh berchys; chamoo t’eh gra, Quoi son ta mee tooilleil, as gobbal gerjagh da my annym? Ta shoh myrgeddin fardail, dy feer te obbyr seaghnagh.

Ecclesiastes 6:7

Ta ooilley laboraght dooinney son e veeal, as ny-yeih cha vel e vian dy bragh jeant magh.

Isaiah 5:14

Shen-y-fa ta’n oaie er vooadaghey ee hene, as er vosley e beeal erskyn-towse: as nyn ghloyr, as y slane shiartanse jeu, as nyn mooaralys, as yn er boggyssagh, hed sheese ayn dy cheilley.

Jeremiah 22:17

Agh cha vel dty hooillyn’s as dty chree’s agh ooilley son saynt, as son deayrtey fuill gyn-loght, as son dewilys, as son tranlaase, dy yannoo eh.

Habakkuk 2:5

Dy jarroo myrgeddin son dy vel eh rouanagh ayns feeyn, t’eh ny ghooinney mooaralagh, chamoo t’eh freayll ec y thie, ta mooadaghey e vian myr yn oaie, as t’eh myr y baase, nagh vod ve jeant magh, agh ta cruinnaghey huggey dy chooilley ashoon, as carnaneaghey da hene dy chooilley phobble:

Haggai 1:9

Va shiu jerkal rish mooarane, as cur-jee my-ner, haink beggan jeh; as tra hug shiu lhieu thie eh, heeb mee ersooyl eh. Cre’n-fa? ta Chiarn ny flaunyssee dy ghra. Kyndagh rish my hie’s ta treigit, as dy vel dy chooilley ghooinney jeidjagh mysh e hie hene.

1 Ean 2:16

Son ooilley ny ta ’sy theihll, saynt ny foalley, as saynt ny sooilley, as moyrn y vea, cha vel ad jeh’n Ayr, agh jeh’n seihll.