Raaghyn Creeney 27:1 - Yn Vible Casherick 1775 1819

¹ Ny jean boggyssagh jeed hene mychione y laa mairagh; son cha vel fys ayd, cre ver y laa lesh mygeayrt.

Raaghyn Creeney 27:1 ပူးပေါင်းရင်းမြစ်များ

1 Reeaghyn 20:11

As dreggyr ree Israel as dooyrt eh, Insh-jee da, Ny lhig dasyn ta cur mysh e eilley-caggee boggyssagh, myr eshyn ta cur jeh eh.

Esther 5:12

Dooyrt Haman ny sodjey, Cha ren Esther y ven-reïn cuirrey dooinney erbee marish y ree gys y yien v’ee er n’aarlaghey agh mee hene, as mairagh myrgeddin t’ee er m’y chuirrey dy ve marish y ree.

Psalmyn 95:7

Son eshyn y Chiarn y Jee ain: as shinyn pobble e phastyr, as kirree e laue.

Ecclesiastes 8:7

Son cha vel fys echey cre ta ry-heet: as quoi oddys shen y hoilshaghey da?

Isaiah 56:12

Tar-jee, as adsyn, ver-ym lhiam feeyn as lhieen mayd shin hene lesh jough lajer, as bee mairagh myr y laa jiu, as foddey s’rouanee.

2 Corinthianee 6:2

(Son t’eh gra, Ta mee er dty chlashtyn ayns earish ghraysoil, as ayns laa yn taualtys ta mee er choyrt couyr dhyt: cur-my-ner, nish ta’n earish ghraysoil ayn; jeeagh, nish ta’n laa dy haualtys.)

1 Samuel 28:19

Nee’n Chiarn myrgeddin Israel as oo-hene y livrey gys laue ny Philistinee: as mairagh bee uss as dty vec mârym’s: nee’n Chiarn myrgeddin sheshaght-caggee Israel y livrey gys laue ny Philistinee.