Raaghyn Creeney 26:25 - Yn Vible Casherick 1775 1819

²⁵ Tra t’eh coyrt glare aalin, ny cred eh: son ta olkys shiaght-filley ayns e chree.

Raaghyn Creeney 26:25 ပူးပေါင်းရင်းမြစ်များ

Nehemiah 6:2

Dy dug Sanballat, as Geshem fys hym, gra, Tar, lhig dooin meeiteil cooidjagh ayns unnane jeh ny baljyn, ayns cheer-rea Ono; agh v’ad kiarail olk m’oï.

Psalmyn 12:2

T’ad taggloo jeh fardail dagh unnane rish e naboo: cha vel ad agh brynneraght lesh nyn meillyn, as jannoo molteyrys ayns nyn gree dooble.

Psalmyn 28:3

O ny tayrn mee ersooyl, chamoo jean m’y stroie marish ny mee-chrauee as drogh-yantee: ta loayrt dy dooie rish nyn naboo, agh t’ad smooinaghtyn er olkys ayns nyn gree.

Raaghyn Creeney 23:7

Son myr t’eh smooinaghtyn ayns e chree, shen myr t’eh: Ee as iu, jir eh rhyt, agh cha vel e chree lhiat.

Raaghyn Creeney 26:23

Ta meillyn shliawn lesh cree olkyssagh, myr pash craie coodit lesh trustyr dy argid.

Jeremiah 12:6

Son eer dty vraaraghyn, as thie dt’ayrey, t’adsyn neesht er ghellal dy foalsey rhyt; t’ad myrgeddin er lhiggey’n theay ort: ny treisht orroo, ga dy vel ad loayrt goan brynneragh rhyt.

Micah 7:5

Ny treisht-jee ayns carrey, ny cur-jee nyn marrant er leeideilagh: freill dorrys dty veeal vo-eeish ta lhie ayns dty oghrish.

Noo Mian 24:23

Eisht my jir dooinney erbee riu, Cur-my-ner, ta Creest ayns shoh, ny ayns shid; ny cred-jee eh.

1 Samuel 18:17

As dooyrt Saul rish David, Cur-my-ner, my inneen shinney Merab, ish ver-ym dhyt son ben; ynrycan bee uss dunnal er my hon, as jean caggey ayns lieh’n Chiarn: son dooyrt Saul, Ny lhig da my laue’s ve er, agh lhig da tuittym liorish laueyn ny Philistinee.