Raaghyn Creeney 26:24 - Yn Vible Casherick 1775 1819

²⁴ Ta’n goanlyssagh brynneraght lesh e veillyn, as keiltyn e oalsaght cheu-sthie jeh;

Raaghyn Creeney 26:24 ပူးပေါင်းရင်းမြစ်များ

Genesis 34:13

Agh dreggyr mec Yacob Shechem, as Hamor e ayr, dy molteyragh, as dooyrt ad, (er-yn-oyr dy row eh er hayrn scammylt er Dinah nyn shuyr)

2 Samuel 13:26

Eisht dooyrt Absalom, Mannagh jeu hene, ta mee guee ort, lhig da my vraar Amnon goll mârin. As dooyrt y ree rish, Cre’n-fa ragh eshyn mayrt?

2 Samuel 13:27

Agh lhie Absalom er, dy lhig eh da Amnon, as ooilley mec y ree, goll mârish.

2 Samuel 20:9

As dooyrt Joab rish Amasa, Vel oo ayns slaynt, my vraar? As ghow Joab Amasa er e aasaag lesh e laue yesh dy choyrt paag da.

Nehemiah 6:2

Dy dug Sanballat, as Geshem fys hym, gra, Tar, lhig dooin meeiteil cooidjagh ayns unnane jeh ny baljyn, ayns cheer-rea Ono; agh v’ad kiarail olk m’oï.

Psalmyn 12:3

Ver y Chiarn mow ooilley ny meillyn molteyragh: as y chengey ta loayrt goan mooaralagh;

Psalmyn 28:3

O ny tayrn mee ersooyl, chamoo jean m’y stroie marish ny mee-chrauee as drogh-yantee: ta loayrt dy dooie rish nyn naboo, agh t’ad smooinaghtyn er olkys ayns nyn gree.

Psalmyn 41:6

As my t’eh cheet dy my yeeaghyn, t’eh loayrt dy foalsey: as ta e chree giennaghtyn molteyrys cheu-sthie jeh; as tra t’eh goll roish t’eh dy insh eh.

Raaghyn Creeney 10:18

Eshyn ta keiltyn myskid lesh meillyn breagagh, as eshyn ta cur scammylt er y hoshiaght, t’eh ny ommydan.

Raaghyn Creeney 11:1

Ta meihaghyn foalsey dwoaiagh da’n Chiarn: agh ta towse cairagh yn taitnys echeysyn.

Raaghyn Creeney 12:17

Eshyn ta loayrt yn irriney, t’eh soilshaghey cairys; agh feanish foalsey, molteyraght.

Raaghyn Creeney 12:20

Ta foalsaght ayns y chree ocsyn ta kiarail olk: agh ta shee cour ny fir-choyrlee sheeoil.

Raaghyn Creeney 12:5

Ta smooinaghtyn y dooinney ynrick cairal: agh ta coyrleyn ny mee-chrauee son molteyrys.

Raaghyn Creeney 14:8

Ta creenaght yn er tushtagh dy hoiggal e raad: agh ta ommijys ny mee-chrauee, molteyrys.

Raaghyn Creeney 23:7

Son myr t’eh smooinaghtyn ayns e chree, shen myr t’eh: Ee as iu, jir eh rhyt, agh cha vel e chree lhiat.

Jeremiah 9:4

Cur-jee twoaie, dagh unnane jeh e naboo, as ny cur-jee nyn dreisht ayns braar erbee: son nee dagh braar cleiy-fo braar, as nee dy chooilley naboo troggal scammyltyn.

1 Samuel 18:17

As dooyrt Saul rish David, Cur-my-ner, my inneen shinney Merab, ish ver-ym dhyt son ben; ynrycan bee uss dunnal er my hon, as jean caggey ayns lieh’n Chiarn: son dooyrt Saul, Ny lhig da my laue’s ve er, agh lhig da tuittym liorish laueyn ny Philistinee.