Raaghyn Creeney 26:21 - Yn Vible Casherick 1775 1819

²¹ Myr ta geayl gys smarageyn loshtee, as fuygh er aile: myr shen ta peccagh anveagh dy oaddey streeu.

Raaghyn Creeney 26:21 ပူးပေါင်းရင်းမြစ်များ

2 Samuel 20:1

As haghyr dooinney dy ve ayns shen, dooinney dy Velial, as yn ennym echey Sheba, mac da Bichri, ny Venjamite; as heid eh trumpet, as dooyrt eh, Cha vel ayrn erbee ainyn ayns David, chamoo ta eiraght ain ayns mac Jesse: dy chooilley ghooinney gys e hie hene, O Israel.

1 Reeaghyn 12:20

As haink eh gy-kione, tra cheayll ooilley Israel dy row Jeroboam er jeet reesht, dy dug ad fys, as deïe ad er gys y cheshaght, as ren ad eh ny ree harrish ooilley Israel: cha row unnane deiyr er thie Ghavid, agh tribe Yudah ny-lomarcan.

Psalmyn 120:4

Smerg dou dy vel mee êginit dy chummal marish Mesech: as dy vel my ynnyd-vaghee mastey cabbaneyn Kedar!

Raaghyn Creeney 10:12

Ta myskid doostey streeu: agh ta graih coodaghey dy chooilley pheccah.

Raaghyn Creeney 15:18

Ta’n connyssagh doostey streeu: agh eshyn ta moal gys corree, t’eh cur streeu gy-kione.

Raaghyn Creeney 29:22

Ta dooinney fargagh bioghey anvea, as ta’n eulyssagh cur olk er y hoshiaght.

Raaghyn Creeney 30:33

S’feer eh, dy vel eeym cheet lesh churnal bainney, as ta cassey yn stroin tayrn fuill: myr shen dy ghoostey corree te greinnaghey streeu.