Raaghyn Creeney 26:2 - Yn Vible Casherick 1775 1819

² Myr ta’n ushag ayns rouail, as y ghollan-gheayee ayns getlagh, myr shen cha jig yn mollaght gyn-oyr.

Raaghyn Creeney 26:2 ပူးပေါင်းရင်းမြစ်များ

2 Samuel 16:12

Foddee dy jean y Chiarn jeeaghyn er my hrimshey, as dy der y Chiarn cooilleeney mie dou son y ghweeaghyn echeysyn er y laa shoh.

2 Samuel 16:8

Ta’n Chiarn e chooilleeney ort ooilley fuill thie Saul, ’syn ynnyd echey t’ou uss er reill, as ta’n Chiarn er livrey’n reeriaght gys laue Absalom dty vac: jeeagh nish, ta dty olkys hene er verraghtyn ort, son dy nee dooinney folley oo.

Nehemiah 13:2

Er-yn-oyr nagh daink ad quail cloan Israel lesh arran as ushtey, agh ren ad failley Balaam nyn ’oï, dy ghwee mollaght orroo: ga dy hyndaa Jee yn mollaght gys bannaght.

Psalmyn 109:28

Lhig da my noidyn ve er nyn goamrey lesh nearey: as lhig daue ve coodit lesh nyn scammylt hene myr lesh cloagey.

Raaghyn Creeney 27:8

Myr eean treigeil yn edd eck, shen myr ta’n dooinney ta rouail veih e ynnyd hene.

Isaiah 16:2

Son hig eh gy-kione, myr ushag er-shaghryn agglit ass yn edd, shen myr vees inneenyn Voab ec aaghyn Arnon.

Earrooyn 23:8

Kys oddym’s mollaght y choyrt ersyn, nagh vel Jee er choyrt e vollaght? ny kys oddym’s y-lane y choyrt fosyn, nagh vel y Chiarn er choyrt y-lane fo?

1 Samuel 17:43

As dooyrt y Philistine rish David, Nee moddey mee, dy vel oo cheet hym lesh lorg? As ghwee yn Philistine da David liorish e yeeghyn.