Raaghyn Creeney 25:2 - Yn Vible Casherick 1775 1819

² She gloyr Yee eh dy ve erskyn roshtyn dooinney: agh te onnor da reeaghyn dy ronsaghey magh cooishyn.

Raaghyn Creeney 25:2 ပူးပေါင်းရင်းမြစ်များ

2 Samuel 1:5

As dooyrt David rish y dooinney aeg dinsh da, Kys dhyt’s dy vel Saul as Jonathan e vac marroo?

2 Samuel 14:19

As dooyrt y ree, Nagh vel laue Yoab mayrt ayns ooilley shoh? As dreggyr y ven, as dooyrt ee, Myr ta dt’annym bio, my hiarn, O ree, cha vod unnane erbee chyndaa gys y laue yesh ny gys y laue hoshtal veih nhee erbee dy vel my hiarn y ree er loayrt: son dty harvaant Joab hug orrym shoh ’yannoo, as eshyn hug ooilley ny goan shoh ayns beeal dty harvaant:

Ezra 4:15

Dy vod ronsagh ’ve jeant ayns lioar recortyssyn dty ayraghyn; myr shen nee oo feddyn ayns lioar ny recortyssyn, as toiggal dy vel yn ard-valley shoh, ard-valley mee-viallagh, dangeragh da reeaghyn as rheamyn, as dy vel ad er-dyn earishyn foddey, er ve son doostey caggey as irree-magh ayn, er-yn-oyr cheddin va’n ard-valley shoh er ny stroie.

Ezra 4:19

As doardee mee ronsagh dy ve jeant, as te er ny gheddyn magh, dy vel yn ard-valley shoh er-dyn shenn earish, er n’irree-magh noi reeaghyn, as dy vel caggaghyn as anvea rieau er ny ve ayn.

Ezra 5:17

Nish er-y-fa shen, my s’gooidsave lesh y ree, lhig da ronsagh ve jeant ayns thie recortyssyn y ree, t’ayns Babylon, nee myr shoh te, dy row decree jeant liorish Cyrus y ree, dy hroggal y thie shoh son Jee ec Jerusalem, as lhig da’n ree soilshaghey dooin e aigney, ayns y chooish shoh.

Ezra 6:1

Eisht doardee Darius y ree, ronsagh dy ve jeant ayns thie ny lioaryn, raad va ny tashtaghyn freilt ayns Babylon.

Lioar Yob 29:16

Va mee my ayr da’n voght: as y chooish doillee ronsee mee magh.

Lioar Yob 38:4

C’raad v’ou tra ren mee undinyn y thallooin y hoiaghey? soilshee eh, my ta tushtey aynyd.

Lioar Yob 40:2

Jean eshyn ta streeu rish yn Ooilley-niartal goaill er dy ynsaghey eh? eshyn ta geddyn foill rish Jee, lhig da gansoor er y hon.

Lioar Yob 42:3

Quoi eh-hene ta goaill er dy hoilshaghey coyrleyn follit? shen-y-fa ta mee er n’ockley magh shen nagh hoig mee; reddyn yindyssagh erskyn my roshtyn, nagh row fys aym orroo.

Raaghyn Creeney 25:27

Cha vel eh follan dy ee rouyr mill; myr shen cha vel eh son goo dooinney, dy ve geiyrt dy gyere er e chione-ardys hene.

Raaghyn Creeney 25:3

Ta’n aer son yrjid, as y thalloo son diunid, as cree reeaghyn doillee dy ve cronnit.

Ecclesiastes 1:13

As ren mee my chree y haaghey dy vriaght, as dy ronsaghey magh liorish creenaght dy chooilley nhee t’er ny yannoo fo niau: yn deinys trome shoh ta Jee er choyrt er cloan gheiney dy gholl ny hrooid.

Deuteronomy 29:28

As dastyr y Chiarn ad ass y cheer oc ayns e arg, as ayns e chorree, as ayns e yymmoose vooar, as hilg eh magh ad gys cheer elley, myr s’erree daue jiu.

Deuteronomy 29:29

Ta folliaghtyn bentyn gys y Chiarn nyn Yee; agh ta ny reddyn shen ta er ny hoilshaghey, bentyn dooinyn, as da nyn gloan son dy bragh, dy vod mayd ooilley goan y leigh shoh y chooilleeney.