Raaghyn Creeney 24:32 - Yn Vible Casherick 1775 1819

³² Eisht yeeagh mee, as smooinee mee er shoh dy dowin; honnick mee shoh, as hooar mee ynsagh.

Raaghyn Creeney 24:32 ပူးပေါင်းရင်းမြစ်များ

Lioar Yob 7:17

Cre ta dooinney dy by-feeu lhiat streeu rish, as dy hoiaghey dty chree n’oï?

Psalmyn 4:4

Shass-jee ayns aggle, as ny jean-jee peccah: smooinee-jee dy dowin ayns nyn gree hene, as ayns nyn shamyr, as bee-jee ec shee.

Raaghyn Creeney 24:31

As cur-my-ner, ve ooilley er n’aase harrish lesh drineyn, as va’n slane eaghtyr echey coodit lesh undaagagh, as va’n voalley chloaie er duittym.

Raaghyn Creeney 24:33

Foast tammylt beg dy chadley, tammylt son saveenys, tammylt son filley ny laueyn dy chadley:

Noo Luke 2:19

Agh hasht Moirrey ooilley ny raaghyn shoh [ayns e haigney] as smooinee ee orroo dy dowin ayns e cree.

Noo Luke 2:51

As hie eh sheese mâroo, as haink eh gys Nazareth, as v’eh biallagh daue: as hasht e voir ooilley ny raaghyn shoh ayns e cree.

1 Corinthianee 10:11

Nish haink ooilley ny reddyn shoh orroosyn son sampleyryn: as t’ad scruit son raaue dooinyn, orrin ta jerrey’n theihll er jeet.

1 Corinthianee 10:6

Nish va ny reddyn shoh son sampleyryn dooinyn, son nagh jinnagh shin saynt da nheeghyn olk, myr hug adsyn neesht saynt.

Deuteronomy 13:11

As clinnee ooilley Israel jeh, as bee aggle orroo, as cha jean ad arragh lheid y peccah shoh, ny mast’ eu.

Deuteronomy 21:21

As nee ooilley deiney e ard-valley claghey eh dy baase: myr shen ver oo yn olk ersooyl veih ny mast’ eu, as nee ooilley Israel clashtyn as goaill aggle.

Deuteronomy 32:29

O dy beagh ad creeney, dy doiggagh ad shoh, dy goghe ad gys nyn gree nyn laghyn jerrinagh!