Raaghyn Creeney 24:22 - Yn Vible Casherick 1775 1819

²² Son nee ny seaghyn oc cheet orroo doaltattym, as quoi ec ta fys, cre cha leah hig y drogh-yerrey orroo ny-neesht!

Raaghyn Creeney 24:22 ပူးပေါင်းရင်းမြစ်များ

1 Reeaghyn 1:49

As huitt atchim er ooilley ny goaldee va marish Adonijah, as hrog ad orroo, as chossyn ad dy chooilley ghooinney e raad hene.

Psalmyn 90:11

Agh quoi ta toiggal pooar dty yymmoose: son dy jarroo myr ta dooinney goaill aggle, shen myr ta dty chorree.

Raaghyn Creeney 16:14

Ta jymmoose y ree myr chaghteryn baaish: agh nee dooinney creeney shen y veeinaghey.

Raaghyn Creeney 20:2

Ta jymmoose y ree myr garveigagh y lion: quoi-erbee vrasnys e chorree, t’eh noid da e vioys hene.

Raaghyn Creeney 24:16

Son ta’n dooinney cairagh tuittym ayns seaghyn shiaght keayrtyn, as t’eh girree reesht: agh nee drogh-sleih tuittym fo drogh haghyrtyn.

Raaghyn Creeney 6:15

Shen-y-fa hig e heaghyn er doaltattym: ’sy tullogh bee eh brisht fegooish couyr.

Ecclesiastes 9:12

Son ec dooinney myrgeddin cha vel fys er e hraa hene; myr ny eeastyn t’er ny hayrtyn ayns lieen baasoil, as myr ny eeanlee ta goit ’sy ribbey: shen myr ta cloan gheiney geulit ayns earish ghoogh, tra te tuittym doaltattym orroo.

Hosea 5:11

Ta Ephraim broojit as brisht ayns briwnys: er-yn-oyr dy jimmee ad dy arryltagh lurg drogh choyrle.