Raaghyn Creeney 24:14 - Yn Vible Casherick 1775 1819

¹⁴ Myr shen vees yn fysseree dy chreenaght gys dty annym: tra t’ou er gheddyn eh, eisht bee leagh ayd, as cha bee dty yerkal er ny yiarey jeh.

Raaghyn Creeney 24:14 ပူးပေါင်းရင်းမြစ်များ

Psalmyn 119:103

O cre cha millish ta dty ghoan gys my vlass: dy jarroo, ny s’miljey na mill da my veeal!

Psalmyn 119:111

Dty recortyssyn ta mee er hirrey myr m’eiraght son dy bragh: as cre’n-fa? t’ad eer boggey my chree.

Raaghyn Creeney 16:24

Ta goan gerjoilagh myr y kere-volley, millish da’n annym, as slaynt da ny craueyn.

Raaghyn Creeney 2:10

Tra ta creenaght gentreil stiagh ayns dty chree, as ta tushtey eunyssagh gys dty annym.

Raaghyn Creeney 22:18

Son s’eunyssagh vees eh dhyt, dy reayll ad mayrt, as dy bee ad cormit jesh gys dty veillyn.

Raaghyn Creeney 23:18

Son shickyrys ta laa cooilleeney jerrinagh ry-heet; as cha bee dty yerkal er ny yiarey jeh.

Jeremiah 15:16

Hooar mee dty ghoan, as d’ee mee ad; as va dty ghoo dooys boggey as gerjagh my chree; son ort’s ta mee enmyssit, O Hiarn, Jee ny sheshaghtyn flaunyssagh.

Noo Mian 19:21

Dooyrt Yeesey rish, My sailt ve dy firrinagh mie, immee, as creck, as cur ny t’ayd da ny boghtyn, as bee berchys ayd ayns niau; as tar as eiyr orrym’s.

Jamys 1:25

Agh quoi-erbee ta jeeaghyn dy dowin ayns leigh yn seyrsnys firrinagh, as tannaghtyn ayn; nagh vel jarrood ny t’eh dy chlashtyn, agh fer ta jannoo yn obbyr, bee’n dooinney shoh bannit ayns e yannoo.