Raaghyn Creeney 24:13 - Yn Vible Casherick 1775 1819

¹³ My vac, ee uss mill, son dy vel eh mie; as y kere-volley, ta millish gys dty vlass:

Raaghyn Creeney 24:13 ပူးပေါင်းရင်းမြစ်များ

Psalmyn 119:103

O cre cha millish ta dty ghoan gys my vlass: dy jarroo, ny s’miljey na mill da my veeal!

Psalmyn 19:10

Ny smoo t’ad dy v’er nyn yeearree na airh, dy jarroo, na mooarane airh ghlen: ny s’miljey neesht na mill, as y kere-volley.

Raaghyn Creeney 16:24

Ta goan gerjoilagh myr y kere-volley, millish da’n annym, as slaynt da ny craueyn.

Raaghyn Creeney 25:16

Vel oo er gheddyn mill? ee wheesh as ta mie dhyt; er-aggle, my ee-ys oo rouyr jeh, dy dilg oo eh.

Raaghyn Creeney 25:27

Cha vel eh follan dy ee rouyr mill; myr shen cha vel eh son goo dooinney, dy ve geiyrt dy gyere er e chione-ardys hene.

Raaghyn Creeney 27:7

Ta’n annym lane jiooldey rish yn eer kere-volley; agh da’n accryssagh ta dy chooilley nhee sharroo, blaystal.

Arrane Solomon 4:11

Ta dty veillyn, O my ven veen, shilley myr kere-volley: ta bainney as mill fo dty hengey, ta soar millish dty gharmadyn myr soar Lebanon.

Arrane Solomon 5:1

Ta mee er jeet stiagh ayns my gharey, my huyr, my ven heshey, ta mee er haglym yn myrrh, marish ny spiceyn millish, ta mee er ee my chere-volley marish my vill, ta mee er iu my feeyn marish my vainney: ee-jee, O my chaarjyn, iu-jee, dy jarroo, iu-jee dy palchey, O my ghraihaltee.

Isaiah 7:15

Eeym as mill nee eh gee, derrey vees toiggal echey dy obbal yn olk, as dy reih yn mie.

Noo Mian 3:4

As v’ec Ean cheddin coamrey dy fynney chamel, as cryss liare mysh e veeghyn; as va e veaghey locustyn as mill feïe.

Briwnyn 14:9

As ghow eh jeh ayns e laueyn, as hie eh er y raad gee, as haink eh gys e ayr as e voir, as hug eh dauesyn, as ren ad gee: agh cha dinsh eh daue dy row eh er ghoaill y vill ass convayrt y lion.

1 Samuel 14:27

Agh cha geayll Jonathan dy row e ayr er choyrt y pobble fo’n sarey, shen-y-fa heeyn eh magh baare y lorg v’echey ayns e laue, as hum eh eh ayns kere-volley, as hug eh e laue gys e veeal; as va e hooillyn er nyn niartaghey.