Raaghyn Creeney 23:7 - Yn Vible Casherick 1775 1819

⁷ Son myr t’eh smooinaghtyn ayns e chree, shen myr t’eh: Ee as iu, jir eh rhyt, agh cha vel e chree lhiat.

Raaghyn Creeney 23:7 ပူးပေါင်းရင်းမြစ်များ

Psalmyn 12:2

T’ad taggloo jeh fardail dagh unnane rish e naboo: cha vel ad agh brynneraght lesh nyn meillyn, as jannoo molteyrys ayns nyn gree dooble.

Psalmyn 55:21

Chur eh e laueyn orroosyn va ayns shee rish: as vrish eh e chonaant.

Raaghyn Creeney 19:22

Te yeearree dooinney dy yannoo thurn mie: as ta’n boght ynrick ny share na’n berchagh breagagh.

Raaghyn Creeney 26:23

Ta meillyn shliawn lesh cree olkyssagh, myr pash craie coodit lesh trustyr dy argid.

Raaghyn Creeney 26:24

Ta’n goanlyssagh brynneraght lesh e veillyn, as keiltyn e oalsaght cheu-sthie jeh;

Raaghyn Creeney 26:25

Tra t’eh coyrt glare aalin, ny cred eh: son ta olkys shiaght-filley ayns e chree.

Daniel 11:27

As bee creeaghyn y daa ree shoh soit er olk, as loayree ad breagyn ry-cheilley ec yn un voayrd: agh cha jig eh lhieu: son foast bee jerrey er ec y traa cooie.

Noo Luke 7:39

Nish yn Pharisee ren y chuirrey eh, tra honnick eh shoh, loayr eh cheu-sthie jeh hene, gra, Veagh fys er ve ec y dooinney shoh, dy beagh eh ny adeyr, quoi, as cre’n monney dy ven ee shoh, ta bentyn rish: son t’ee ny ben pheccoil.

Briwnyn 16:15

As dooyrt ee rish, Kys oddys oo gra, Ta graih aym ort, tra nagh vel dty chree lhiam? t’ou er my volley ny three keayrtyn shoh, as cha vel oo er n’insh dou cre ayns ta dty niart vooar lhie.