Raaghyn Creeney 23:4 - Yn Vible Casherick 1775 1819

⁴ Ny jean rouyr siyr dy ve berchagh: ny cur slane treisht gys dty chreenaght hene.

Raaghyn Creeney 23:4 ပူးပေါင်းရင်းမြစ်များ

Lioar Yob 27:19

Nee’n dooinney berchagh lhie sheese, agh cha bee eh er ny haglym gys e ayraghyn; t’eh fosley e hooillyn, as t’eh rey.

Raaghyn Creeney 15:27

Eshyn ta shleeuit er cosney, t’eh tayrn seaghyn er e hie hene: agh nee eshyn tannaghtyn ta dwoaiagh er giootyn.

Raaghyn Creeney 26:12

Vel oo fakin dooinney creeney ayns e smooinaghtyn hene? ta caslys share jeh’n vee-hushtagh na jehsyn.

Raaghyn Creeney 27:24

Son cha vel berchys son dy bragh: as vel yn attey reeoil goll veih sheeloghe gys sheeloghe?

Raaghyn Creeney 28:20

Nee dooinney treishteilagh bishaghey ayns bannaghtyn: agh eshyn ta jannoo siyr dy ve berchagh, cha bee eh gyn-loght.

Raaghyn Creeney 3:5

Cur dty hreishteil ayns y Chiarn lesh ooilley dty chree; as ny cur barrant er dty hushtey hene.

Raaghyn Creeney 3:7

Ny bee creeney ayns dty hooillyn hene: gow aggle roish y Chiarn, as scarr rish yn olk.

Ecclesiastes 5:13

Ta olk vooar ta mee er vakin fo’n ghrian, eer berchys freilt gys yn assee ocsyn by-lhieu ad.

Isaiah 5:21

Smerg dauesyn ta creeney ayns ny sooillyn oc hene, as keeayllagh ’sy chilley oc hene!

Jeremiah 9:22

Abbyr, Myr shoh ta’n Chiarn dy ghra, Dy jarroo myr eoylley tuittee kirp deiney er y vagher foshlit, as myr gleih-arroo lurg y beaynee, as cha jean unnane erbee ad y haglym.

Noo Mian 6:19

Ny stoyr-jee seose berchys diu hene er y thalloo, raad ta’n lhemeen as y mergey cur mow, as raad ta maarlee brishey stiagh as geid:

Noo Mark 4:19

As ta kiarail y theihll shoh, as molteyraght berchys, as saynt reddyn elley goll stiagh, as plooghey yn goo, as te cheet dy ve neu-vessoil.

Noo Ean 6:27

Ny bee-jee imneagh son y beaghey ta cherraghtyn, agh son y beaghey shen ta tannaghtyn gys y vea veayn, nee yn Mac dooinney y choyrt diu: son eshyn ta Jee yn Ayr er chowraghey.

Romanee 11:25

Son cha baillym, vraaraghyn, dy beagh shiu mee-hushtagh jeh’n folliaght shoh, (er-aggle dy beagh shiu creeney ayns ny smooinaghtyn ard eu hene) dy vel dellid er daghyrt da Israel ayns ayrn, derrey hig slane corp ny Hashoonee stiagh.

Romanee 12:16

Bee-jee jeh un aigney yn derrey yeh gys y jeh elley. Ny soie-jee nyn aigney er nheeghyn ard, agh croym-jee gys deiney ta injil ayns stayd. Ny bee-jee creeney ayns ny smooinaghtyn eu hene.

Hebrewnee 13:5

Lhig da’n ymmyrkey-bea eu ve fegooish saynt; as bee-jee booiagh lesh lheid as t’eu: son t’eh er ghra, Cha vaag-ym, ny cha dreig-ym oo dy bragh.