Raaghyn Creeney 23:34 - Yn Vible Casherick 1775 1819

³⁴ Dy feer, bee oo myr fer ta baiht ayns grunt ny marrey, ny goll-rishyn ta ny chadley er cronnag lhuingey.

Raaghyn Creeney 23:34 ပူးပေါင်းရင်းမြစ်များ

2 Samuel 13:28

Nish va Absalom er churmal e harvaantyn, gra, Gow-jee tastey nish, tra vees cree Amnon gennal lesh feeyn, as tra jir-yms riu, Bwoaill-jee Amnon; eisht marr-jee eh; ny bee aggle erriu: nagh nee mish t’er n’oardaghey shiu? bee-jee creeoil, as prow-jee dunnal.

1 Reeaghyn 16:9

As ren e harvaant Zimri, (captan er lieh jeh ny fainee echey,) girree-magh n’oï myr v’eh ayns Tirzah, giu eh-hene er-meshtey ayns thie Arza, stiurt e hie ayns Tirzah.

Exodus 15:8

As ec sheidey dty yymmoose va ny ushtaghyn er nyn jaglym dy cheilley, hass ny ushtaghyn myr voalley, as va ny diunidyn riojit ayns cree yn aarkey.

Raaghyn Creeney 23:33

Bee dty hooillyn soit er drogh-vraane, as nee dty chree fockley magh camlaagys.

Raaghyn Creeney 23:35

T’ad er woalley mee, nee oo gra, as cha row mee guint; t’ad er my yeealley, as cha dennee mee eh: cuin nee’m doostey? shir-yms huggey reesht.

Raaghyn Creeney 31:4

Cha vel eh son reeaghyn, O Lemuel, cha vel eh cooie da reeaghyn dy chur-rish feeyn; ny da princeyn dy ghoaill jough lajer:

Joel 1:5

Dooisht-jee, shiuish veshtallee, as keayn-jee: as gull-jee, ooilley shiuish iuderyn-feeyney, son y feeyn noa, er-yn-oyr dy vel eh giarit jeh veih nyn meeal.

Noo Mian 24:38

Son myr ayns ny laghyn va roish y thooilley, v’ad gee as giu, poosey as coyrt ayns poosey, derrey yn laa hie Noe stiagh ayns yn arg,

Noo Luke 21:34

As cur-jee twoaie diu hene, er-aggle ec traa erbee dy bee ny creeaghyn eu rouyr laadit lesh jooid as meshtyrys, as kiarailyn y vea shoh, as myr shoh yn laa shen dy heet erriu doaltattym.