Raaghyn Creeney 23:3 - Yn Vible Casherick 1775 1819

³ Ny bee miandagh er e yien mie, son te bee molteyragh.

Raaghyn Creeney 23:3 ပူးပေါင်းရင်းမြစ်များ

Psalmyn 141:4

O ny lhig da my chree ve er ny lhoobey gys drogh obbyr erbee: ny lhig dou raad y choyrt dou hene ayns cliaghtaghyn mee-chrauee, mâroosyn ta gobbraghey olk; er-aggle dy goym commee jeh ny t’ad goaill taitnys ayn.

Raaghyn Creeney 23:6

Ny ee jeh arran fer y drogh-hooill, as ny lhig dty aigney ve miandagh er e vee blaystal.

Daniel 1:5

As doardee yn ree daue beaghey gagh-laa jeh boayrd y ree, as jeh’n feeyn v’eh hene dy iu: myr shen dy reir ad three bleeaney, as shen harrish, v’ad dy hassoo kiongoyrt rish y ree.

Daniel 1:8

Agh va Daniel kiarit ayns e chree, nagh jinnagh eh neu-ghlen jeh hene, lesh lhongey veih boayrd y ree, ny lesh y feeyn diu eh: shen-y-fa, ghuee eh er yn ard-eunuch, nagh beagh eh êginit dy leodaghey eh-hene.

Noo Luke 21:34

As cur-jee twoaie diu hene, er-aggle ec traa erbee dy bee ny creeaghyn eu rouyr laadit lesh jooid as meshtyrys, as kiarailyn y vea shoh, as myr shoh yn laa shen dy heet erriu doaltattym.

Ephesianee 4:22

Mychione yn ymmyrkey-bea eu t’er n’gholl shaghey, dy der shiu jeh yn chenn ghooinney, ta neu-ghlen cordail rish yeearreeyn molteyragh ny foalley.