Raaghyn Creeney 22:9 - Yn Vible Casherick 1775 1819

⁹ Er y thooill feoilt hig bannaght ny ghaa: son t’eh shirveish kuse jeh e arran er ny boghtyn.

Raaghyn Creeney 22:9 ပူးပေါင်းရင်းမြစ်များ

Psalmyn 112:9

T’eh er skeayley dy lhean, as er choyrt da ny boghtyn: as ta e chairys farraghtyn son dy bragh; bee’n ennym echey er ny hoiaghey seose lesh ooashley.

Raaghyn Creeney 11:17

Ta’n dooinney myghinagh jannoo mie da’n annym echey hene, agh ta’n dooinney dewil tayrn seaghyn er e chorp hene.

Raaghyn Creeney 11:25

Bee’n dooinney feoiltagh jeant magh lesh sonnys, as eshyn ta gushtaghey, bee eh-hene er ny ooraghey.

Raaghyn Creeney 11:27

Eshyn ta dy imneagh shirrey mie y chur er y hoshiaght, t’eh cosney aigney-mie: agh eshyn eiyrys er yn olk, berree eh er.

Raaghyn Creeney 14:21

Eshyn ta soiaghey beg jeh e naboo, t’eh jannoo peccah: agh eh ta chymmoil er ny boghtyn s’maynrey t’eh.

Raaghyn Creeney 19:17

Eshyn ta giastyllagh da ny boghtyn, t’eh geeasaght da’n Chiarn: as son shen t’eh myr shoh dy vaarail, bee eh er ny eeck da reesht.

Raaghyn Creeney 21:13

Quoi-erbee dooinys e chleaysh noi eam yn ymmyrchagh, nee eshyn myrgeddin geamagh; agh cha vow eh clashtyn.

Raaghyn Creeney 28:24

Quoi-erbee speeinys e ayr, as e voir, as jirrys, Nagh vel skielley erbee ayn; ta’n fer shen sheshey yn stroider.

Raaghyn Creeney 28:27

Eshyn ta shirveish er ny boghtyn, cha jig y voghtynid er: agh yiow eshyn mollaght ny ghaa ta follaghey e hooillyn.

Raaghyn Creeney 31:20

T’ee sheeyney magh e laue gys y voght; dy feer t’ee roshtyn magh e laueyn gys yn ymmyrchagh.

Isaiah 32:8

Agh ta’n cree ooasle smooinaghtyn er nheeghyn ooasle, as liorish cooishyn ooasle nee eh shassoo.

Noo Mian 20:15

Nagh vel eh lowal dou dy yannoo cre saillym rish my chooid hene? vel dty hooill’s olk, er-yn-oyr dy vel mish mie?

Noo Mark 7:22

Maarlys, saynt, olkys, molteyrys, rouanys, drogh hooill, goan mollaghtagh, moyrn, ommijys:

Noo Luke 14:13

Agh tra t’ou jannoo cuirraghyn, eïe er ny boghtyn, ny baccee, ny croobee, as ny doail:

Jannoo 20:35

Ta mee er hoilshaghey diu dy chooilley nhee, kys laboraght myr shen, dy lhisagh shiu kemmyrk y choyrt da ny annooinee; as cooinaghtyn er goan y Chiarn Yeesey, kys dooyrt eh, Te ny s’bannee dy choyrt na dy ghoaill.

Deuteronomy 28:56

Yn ven seyr as mettey ny mast’ eu nagh jinnagh e cass y choyrt er y laare son moyrn as mettey-ys, bee drogh hooill eck gys sheshey e oghrish, gys e mac, as gys e inneen,

Hebrewnee 13:16

Agh dy yannoo mie, as dy rheynn [er ny boghtyn], ny jarrood-jee: son lesh lheid ny ourallyn ta Jee er ny yannoo booiagh.

Hebrewnee 6:10

Son cha vel Jee neu-chairagh, dy jarrood eh ny obbraghyn as y laboraght euish dy ghraih, ta shiu er hoilshaghey er coontey’n ennym echey, ayns dy vel shiu er hirveish er ny nooghyn, as ta foast shirveish [orroo.]

1 Peddyr 4:9

Cur-jee oltaghey-bea yn derrey yeh da’n jeh elley fegooish mooaraghey.