Raaghyn Creeney 22:8 - Yn Vible Casherick 1775 1819

⁸ Eshyn ta cuirr mee-chairys, nee eh buinn fardalys: as bee soost e hranlaase er ny vrishey.

Raaghyn Creeney 22:8 ပူးပေါင်းရင်းမြစ်များ

Lioar Yob 4:8

Eer myr ta mee er vakin, dy vel adsyn ta traaue mee-chairys, as cuirr olkys, buinn y lheid cheddin.

Psalmyn 125:3

Son cha jig lorg ny mee-chrauee er cronney yn vooinjer chairal: son nagh der y sleih cairal nyn laue gys olkys.

Raaghyn Creeney 1:31

Shen-y-fa nee ad gee jeh mess y raad oc hene, as bee nyn yeeilley oc jeh nyn groutyn hene

Raaghyn Creeney 14:3

Ayns beeal yn ommydan ta slatt son e voyrn: agh nee meillyn yn vooinjer chreeney adsyn y choadey.

Isaiah 10:25

Son foast tammylt feer yiare, as nee my chorree as my yymmoose scuirr ayns y toyrt-mow oc.

Isaiah 10:5

O Assyrian, slatt my chorree, as ta’n lorg ayns nyn laue my yymmoose.

Isaiah 14:29

Ny jean uss boggyssagh slane Palestina, er-yn-oyr dy vel yn lorg echeysyn brisht, ren dty woalley: son magh ass fraue yn ard-nieu hig magh cockatrice; as bee yn sluight echey ard-nieu aileagh skianagh.

Isaiah 30:31

Son trooid coraa yn Chiarn bee yn Assyrian er ny chur fo-chosh, ren bwoalley lesh y lorg.

Isaiah 9:4

Son t’ou er vrishey yn whing trome echey, as lorg e gheaylin, slatt e hranlaasagh, myr ayns laa Vidian.

Hosea 10:13

Ta shiu er hraaue mee-chraueeaght, ta shiu er vuinn mee-chairys, ta shiu er n’ghoaill nyn soogh ayns y vess dy vreagyn; son dy dug oo dty varrant er dty raad hene, as er earroo dty gheiney niartal.

Hosea 8:7

Son t’ad er chuirr y gheay, as nee ad buinn y gheay-chassee: cha vel bun echey: cha jean y jeeas gymmyrkey meinn, as ga dy jean eh, bee eh stroit ec joarreeyn.