Raaghyn Creeney 22:5 - Yn Vible Casherick 1775 1819

⁵ Ta drineyn, as ribbaghyn ayns raad ny camlaagee: agh eshyn ta jeeaghyn dy mie gys e annym hene vees foddey voue.

Raaghyn Creeney 22:5 ပူးပေါင်းရင်းမြစ်များ

Lioar Yob 18:8

Son t’eh goit ayns lieen liorish e chassyn hene; t’eh shooyl er y ribbey.

Psalmyn 11:6

Ta’n Chiarn lowal jeh’n sleih cairagh: agh ta dwoaie ec e annym er y vee-chrauee, as ersyn ta shleeuit er olkys.

Psalmyn 91:1

Quoi-erbee ta cummal fo coadey yn Fer smoo ard: nee eh tannaghtyn fo scaa yn Ooilley-niartal.

Raaghyn Creeney 13:15

Ta keeayl vie cosney foayr: agh s’doillee ta raad ny drogh-yantee.

Raaghyn Creeney 13:3

Eshyn ta smaghtaghey e veeal, t’eh freayll e vioys: agh eshyn ta fosley lhean e veillyn, hig eh gys toyrt-mow.

Raaghyn Creeney 15:19

Ta raad y litcher myr cleiy drineagh: agh ta raad yn er-cairagh jeant rea.

Raaghyn Creeney 16:17

Te raad-mooar y dooinney ynrick dy hea veih olk: eshyn ta cummal ayns e raad, t’eh coadey e annym.

Raaghyn Creeney 19:16

Eshyn freillys ny annaghyn, t’eh freayll yn annym echey hene: agh hed eshyn mow, nagh vel geill echey gys e raaidyn.

Raaghyn Creeney 22:4

Liorish injillid, as aggle y Chiarn ta cheet berchys, as ooashley, as bea.

Raaghyn Creeney 29:6

Ayns mee-chairys drogh ghooinney ta ribbey: agh gowee yn dooinney mie arraneyn-moyllee dy gennal.

Raaghyn Creeney 4:19

Ta raad ny mee-chrauee myr y dorraghys; cha nhione daue cre roish t’ad dy snapperal.

Joshua 23:13

Toig-jee son firrinys nagh jean y Chiarn y Jee eu arragh gimman magh reue veg jeh ny ashoonyn shoh; agh bee ad myr ribbaghyn as geulaghyn diu, as son drineyn, ayns nyn lhiatteeyn, as jilg ayns nyn sooillyn, derrey hed shiu naardey ass y cheer mie shoh, ta’n Chiarn nyn Yee er choyrt diu.

1 Ean 5:18

Ta fys ain quoi-erbee ta ruggit jeh Jee, nagh vel eh cur rish peccah; agh eshyn ta er ny ghientyn jeh Jee, t’eh freayll arrey er hene, as cha vel yn drogh-er bentyn rish.