Raaghyn Creeney 22:4 - Yn Vible Casherick 1775 1819

⁴ Liorish injillid, as aggle y Chiarn ta cheet berchys, as ooashley, as bea.

Raaghyn Creeney 22:4 ပူးပေါင်းရင်းမြစ်များ

Raaghyn Creeney 19:23

Ta aggle y Chiarn leeideil gys bea: s’maynrey vees e lheid, as shaghnee eh dagh olk.

Raaghyn Creeney 21:20

Ta berchys ayn dy ve er ny yeearree, as ooil ayns cummal y dooinney creeney: agh ta’n ommydan dy yummal eh.

Raaghyn Creeney 21:21

Eshyn eiyrys er cairys as myghin, yiow eh bea, ynrickys, as ooashley.

Raaghyn Creeney 22:3

Ta dooinney tastagh cronnaghey yn olk ro-laue, as shaghney eh: agh ta ny mee-cheeayllee roie er nyn gione, as t’ad seaghnit.

Raaghyn Creeney 22:5

Ta drineyn, as ribbaghyn ayns raad ny camlaagee: agh eshyn ta jeeaghyn dy mie gys e annym hene vees foddey voue.

Raaghyn Creeney 29:23

Tayrnys e voyrn dooinney sheese dy injil; agh eiyrys ooashley orroosyn ta imlee ayns cree.

Raaghyn Creeney 3:16

Ta beaynid laghyn ayns y laue yesh eck, as ayns e laue chiare berchys as ooashley.

Raaghyn Creeney 31:30

Cha vel stoamid agh son shallid, as aalid te fardail: agh ben ta goaill aggle roish y Chiarn, yiow ee shen moylley.

Isaiah 33:6

As bee creenaght as tushtey shickyrys dty laghyn, as niart dty haualtys: ta aggle y Chiarn yn verchys echey.

Isaiah 57:15

Son shoh myr ta’n Jee smoo ard as ooasle dy ghra, eer eshyn ta cummal ayns beaynid dy bragh farraghtyn, e ennym ta Casherick; Ta mee cummal ’syn ynnyd ard as casherick, mârishyn myrgeddin ta jeh spyrryd imlee arryssagh, dy gherjaghey spyrryd ny imlee, as dy gherjaghey cree ny accryssee.

Daniel 4:36

Ec y traa cheddin, haink my resoon hym reesht, as son gloyr my reeriaght, haink my ooashley as sollyssid hym, as ren my ir-choyrlee as my hiarnyn shirrey my yeï; as va mee er my niartaghey ayns my reeriaght, as va ard-ooashley reeoil sodjey er ny choyrt dou.

Noo Mian 6:33

Agh shir-jee hoshiaght reeriaght Yee as e chairys, as bee shiu jeant magh lesh ooilley ny reddyn shoh.

1 Timothy 4:8

Er son shirveish y challin cha vooar yn ymmyd t’ayn: agh ta craueeaght vondeishagh gys dy chooilley nhee, myr ta gialdyn echey jeh’n vea ta nish ayn, as jeh shen ta ry-heet.

Jamys 4:10

Bee-jee er nyn injillaghey ayns shilley’n Chiarn, as troggee eh shiu seose.

Jamys 4:6

Agh t’eh coyrt ny smoo dy ghrayse: shen-y-fa t’eh gra, Ta Jee cur eddin da ny mooaralee, as coyrt grayse dauesyn ta imlee.