Raaghyn Creeney 22:22 - Yn Vible Casherick 1775 1819

²² Ny jean spooilley yn boght, son dy vel eh boght: chamoo jean tranlaase er yn ymmyrchagh ayns briwnys.

Raaghyn Creeney 22:22 ပူးပေါင်းရင်းမြစ်များ

Lioar Yob 31:16

My ta mee er reayll veih ny boghtyn nyn yeearree, ny er chur er sooillyn y ven-treoghe dy arkiaght foddey;

Lioar Yob 31:21

My ta mee er hroggal seose my laue noi’n chloan gyn ayr, tra honnick mee dy row ad feme cooney ’sy whaiyl;

Exodus 23:3

Chamoo nee oo shassoo lesh y dooinney boght ayns cooish [aggairagh.]

Exodus 23:6

Cha jean oo cassey briwnys dty voght ayns e chooish.

Raaghyn Creeney 21:7

Nee roosteyrys ny mee-chrauee stroie ad-hene: er-yn-oyr dy vel ad gobbal dy yannoo cairys.

Raaghyn Creeney 22:16

Eshyn ta jannoo tranlaase er y voght, dy vishaghey e chooid-seihlt, as eh ta slaa laue yn verchagh, hig eh-hene dy feer gys feme.

Isaiah 10:2

Dy chassey briwnys yn ymmyrchagh, as dy ghoaill ersooyl nyn gair veih boghtyn my phobble, dy vod mraane-treoghe ’ve oc son spooilley, as dy yannoo cragh jeh’n chloan gyn ayr!

Ezekiel 22:29

Ta pobble y cheer er chliaghtaghey tranlaase, as dy chur-rish roosteyrys, as er chraghey yn voght as yn ymmyrchagh: dy feer t’ad er n’êginaghey yn joarree dy neu-chairagh.

Leviticus 19:13

Cha jean oo molley dty naboo, ny tranlaase ’yannoo er: cha bee faill y labree ayns dty laue fud-ny-hoie, derrey’n voghrey.

Leviticus 25:17

Shen-y-fa, cha jean shiu tranlaase er y cheilley; agh nee uss goaill aggle roish dty Yee; son mish y Chiarn y Jee eu.

Zechariah 7:10

As ny jean-jee tranlaase er y ven-treoghe, ny er y chloan gyn ayr, ny’n joarree, ny’n boght, as ny lhig da unnane eu smooinaghtyn er olk ayns e chree noi e vraar.

Malachi 3:5

As hig-yms chion erriu gys briwnys; as beem’s my eanish gyere noi ny fir-obbee, as noi ocsyn ta brishey poosey, as noi ny looderyn-oaiagh, as noi ocsyn ta chionney er y labree ayns e aill, as jannoo tranlaase er y ven-treoghe, as er y chloan gyn ayr, as ta lhiettal veih’n joarree e chair, as nagh vel goaill aggle roym’s, ta Chiarn ny flaunyssee dy ghra.

Deuteronomy 23:16

Nee eh cummal mayrt, eer ny mast’ eu, ’syn ynnyd nee eh reih, ayns unnane erbee dy naillish jeh dty ard-valjyn: cha jean oo tranlaase er.