Raaghyn Creeney 22:19 - Yn Vible Casherick 1775 1819

¹⁹ Dy vod dty varrant ve er y Chiarn, ta mee er hoilshaghey ad dhyt jiu, dy feer dhyt hene.

Raaghyn Creeney 22:19 ပူးပေါင်းရင်းမြစ်များ

Psalmyn 62:8

O cur-jee nyn marrant er dy kinjagh, shiuish phobble: deayrt-jee magh nyn greeaghyn kiongoyrt rish; son ta Jee nyn dreishteil.

Raaghyn Creeney 22:20

Nagh vel mish er scrieu er dty hon’s ynsaghyn ooasle, ayns coyrleyn as tushtey?

Raaghyn Creeney 3:5

Cur dty hreishteil ayns y Chiarn lesh ooilley dty chree; as ny cur barrant er dty hushtey hene.

Isaiah 12:2

Cur-my-ner, ta Jee my haualtys; nee’m treishteil, as cha goym aggle; son ta’n Chiarn Jehovah my niart as my arrane, t’eh myrgeddin er jeet dy ve my haualtys.

Isaiah 26:4

Treisht-jee ayns y Chiarn dy bragh: son ayns y Chiarn Jehovah ta niart dy bragh farraghtyn.

Jeremiah 17:7

Bannit ta’n dooinney ta coyrt e varrant er y Chiarn, as ta’n Chiarn e hreishteil:

1 Peddyr 1:21

Ta liorishyn credjal ayns Jee, hrog eh seose veih ny merriu, as hug da gloyr, dy voddagh nyn gredjue as nyn dreishteil ve ayns Jee.