Raaghyn Creeney 22:1 - Yn Vible Casherick 1775 1819

¹ Ta goo mie dy ve er ny reih roish mooarane berchys: as kenjallys-ghraihagh roish argid as airh.

Raaghyn Creeney 22:1 ပူးပေါင်းရင်းမြစ်များ

1 Reeaghyn 1:47

As marish shen, haink sharvaantyn y ree dy vannaghey nyn jiarn ree David, gra, Dy jean Jee ennym Solomon ny s’ooasle na dty ennym’s, as dy jean eh yn stoyl-reeoil echeysyn ny s’troshey na’n stoyl-reeoil ayd’s: as chroym y ree eh hene er y lhiabbee, ooashlaghey.

Raaghyn Creeney 10:7

Ta imraa yn er ynrick bannit: agh nee ennym y vee-chrauee loau ersooyl.

Ecclesiastes 7:1

Ta goo mie ny share na ooil chostal: as laa yn vaaish ny share na’n laa ruggyr oo.

Noo Luke 10:20

Ny-yeih ayns shoh ny gow-jee boggey, dy vel ny spyrrydyn biallagh diu: agh gow-jee boggey smoo, dy vel ny enmyn eu scruit ayns niau.

Jannoo 7:10

As livrey eh eh veih ooilley e heaghyn, as hug eh da foayr as creenaght ayns shilley Pharaoh ree Egypt; as ren eh eh ny chiannoort er Egypt, as ooilley e hie.

Philippianee 4:3

As ta mee guee ort’s myrgeddin, cho-obbree firrinagh, cooin lesh ny mraane shen ren m’y hirveish ayns y sushtal, marish Clement myrgeddin, as y chooid elley jeh my cho-labreeyn, ny enmyn oc ta ayns lioar y vea.

Hebrewnee 11:39

As ga dy dooar ad shoh ooilley goo mie trooid credjue, ny-yeih cha daink ad gys cooilleen yn ghialdynys: