Raaghyn Creeney 21:8 - Yn Vible Casherick 1775 1819

⁸ Ta raad y pheccagh camlaagagh as quaagh: agh er son yn er ynrick ta’n obbyr echey jeeragh.

Raaghyn Creeney 21:8 ပူးပေါင်းရင်းမြစ်များ

Genesis 6:12

As yeeagh Jee er y seihll, as cur-my-ner, v’eh slane peccoil: son va ooilley sheelnaue er n’gholl er-shaghryn veih Jee er y thalloo.

Raaghyn Creeney 15:26

Ta smooinaghtyn ny mee-chrauee feohdoil da’n Chiarn: agh s’eunyssagh ny goan ta cheet veih cree glen.

Raaghyn Creeney 2:15

Ta shooyl ayns raaidyn cammey, as t’ad condaagagh ayns nyn immeeaght.

Raaghyn Creeney 21:9

Te ny share dy chummal ayns corneil erbee mullagh thie, na marish ben veealeragh ayns thie mooar.

Raaghyn Creeney 30:12

Ta sheeloghe ayn, ta glen ayns ny sooillyn oc hene, as foast cha vel ad nieet veih nyn mroïd.

Ecclesiastes 7:29

Cur-my-ner, shoh ynrycan ta mee er gheddyn, dy vel Jee er n’yannoo dooinney cairal; agh t’eh dy voirey eh-hene ayns ymmodee cooishyn kialgagh.

Ecclesiastes 9:3

Ta shoh neesht mastey ny huilk smessey ta fo’n ghrian, dy vel yn taghyrt cheddin cheet er ooilley: ta creeaghyn cloan gheiney myrgeddin lane dy olk, as ta mee-hushtey ayns nyn gree choud as t’ad bio, as shoh myr t’ad geddyn baase.

Isaiah 26:7

Ta raad yn er-cairal ayns ynrickys: t’ou uss, smoo ynrick, kiartaghey cassan yn vooinjer chairal.

Isaiah 59:8

Raad y chee cha nhione daue; as cha vel cairys erbee ayns y jannoo oc: t’ad er n’yannoo daue hene cassanyn cammey; quoi-erbee ta gimmeeaght ayndoo cha bee shee ny chour.

Daniel 12:10

Bee ymmodee er ny ghlenney, as jeant gial, as er ny phrowal; agh ver ny drogh-yantee rish olk; as cha jean veg jeh ny mee-chrauee toiggal, agh bee yn vooinjer chreeney toiggalagh.

Noo Mian 12:33

Edyr jean-jee yn billey mie, as e vess mie; er-nonney jean-jee yn billey olk, as e vess olk: son liorish e vess, ta enney er ny choyrt er y villey.

Noo Mian 5:8

Bannit t’adsyn ta glen ayns cree: son ver ad Jee my-ner.

Jannoo 15:9

As cha dug eh liettrimys erbee eddyr adsyn as shinyn, casherickey ny creeaghyn oc liorish credjue.

1 Corinthianee 3:3

Son ta shiu foast fo reill ny foalley: son fakin dy vel nyn mast’ eu troo, as streeu, as anvea, nagh vel shiu foalley, as gimmeeaght myr deiney?

Titus 1:15

Dauesyn ta glen ta dy chooilley nhee glen, agh dauesyn ta neu-ghlen, as mee-chredjuagh, cha vel nhee erbee glen; agh ta eer nyn aigney as nyn gooinsheanse neu-ghlen.

Titus 2:14

Hug eh-hene er nyn son, dy voddagh eh shin y eaysley veih dy chooilley vee-chraueeaght, as casherickey da hene pobble reiht, jeean ayns obbraghyn mie.

Titus 3:3

Son va shin hene myrgeddin keayrt dy row mee-hushtagh, mee-viallagh, ayns marranys, fo reill ymmodee yeearreeyn as eunyssyn peccoil, baghey ayns goanlys as roon, dwoaiagh, as coyrt dwoaie yn derrey yeh da’n jeh elley.

Titus 3:5

Cha nee liorish obbraghyn dy chairys, ta shin er n’yannoo, agh cordail rish e vyghin t’eh er hauail shin liorish niee yn aa-ghiennaghtyn [ayns bashtey], as jannoo shin ass-y-noa liorish y Spyrryd Noo;

1 Ean 2:29

My ta fys eu dy vel eshyn cairagh, ta fys eu dy vel dy chooilley unnane ta cur rish cairys, er ny ruggey jehsyn.

1 Ean 3:3

As ta dy chooilley ghooinney ta’n treishteil shoh echey ayn hene, glenney eh-hene, dy jarroo myr t’eshyn glen.