Raaghyn Creeney 21:4 - Yn Vible Casherick 1775 1819

⁴ Ayns shilley ard, as cree moyrnagh, as eer ayns farrysthie ny mee-chrauee, ta peccah.

Raaghyn Creeney 21:4 ပူးပေါင်းရင်းမြစ်များ

Lioar Yob 18:5

Bee soilshey yn vee-chrauee eer er ny vooghey, as cha jean bree yn aile echey soilshean.

Lioar Yob 18:6

Bee’n soilshey dorraghey ayns e chabbane, as bee e chainle er ny chur ass marish hene.

Psalmyn 10:4

Ta’n mee-chrauee cha mooaralagh, nagh vel geill echey da Jee: chamoo ta Jee ayns ooilley e smooinaghtyn.

Psalmyn 101:5

Bee cree camlaagagh er n’eiyrt ass m’enish: cha bee ainjys aym rish drogh phersoon.

Psalmyn 131:1

Hiarn, cha vel mee ard-aignagh: cha vel aym shilley mooaralagh.

Raaghyn Creeney 15:8

Ta oural ny mee-chrauee dwoaiagh da’n Chiarn: agh t’eh goaill taitnys ayns padjer yn er ynrick.

Raaghyn Creeney 21:27

Ta oural ny mee-chrauee dwoaiagh: cre-woad smoo, tra t’eh dy hebbal eh lesh cree crauee-oalsey?

Raaghyn Creeney 24:20

Son cha vel leagh erbee cour y drogh ghooinney, as bee cainle ny mee-chrauee currit ass.

Raaghyn Creeney 30:13

Ta sheeloghe ayn, O cre cha ard ta ny sooillyn oc! as ferrooghyn nyn sooillyn troggit seose.

Raaghyn Creeney 6:16

Ny shey reddyn shoh ta’n Chiarn feohdaghey, as ta eer yn chiaghtoo dwoaiagh da.

Raaghyn Creeney 6:17

Shilley moyrnagh, chengey vreagagh, as laueyn ta deayrtey yn uill neu-chyndagh.

Raaghyn Creeney 8:13

Te aggle y Chiarn dy chur feoh da olk: moyrn, as mooaralys, as y drogh raad, as y beeal molteyragh, ta dwoaie aym orroo.

Isaiah 10:12

Shen-y-fa hig eh gy-kione, tra ta’n Chiarn er chooilleeney yn slane obbyr echey er cronk Zion, as er Jerusalem, dy jean-ym kerraghey moyrn cree dunnal ree Assyria, as mooaralys e hilley ard.

Isaiah 2:11

Bee shilley mooaralagh dooinney er ny injillaghey, as bee moyrn deiney er ny chroymmey, as bee yn Chiarn ny-lomarcan er ny yrjaghey ’sy laa shen.

Isaiah 2:17

As bee moyrn dooinney er ny chroymmey, as bee mooaralys deiney currit sheese dy injil; as she yn Chiarn ynrycan syrjey vees ’sy laa cheddin.

Isaiah 3:16

Ny-sodjey na shoh, ta’n Chiarn dy ghra, Er-y-fa dy vel inneenyn Zion mooaralagh, as shooyl dy ard-wannallagh, as lesh sooillyn rouanagh, shooyl as keimyragh myr t’ad goll, as clinkeragh lesh nyn gassyn:

Noo Luke 11:34

Yn tooill ta cur soilshey da’n chorp: shen-y-fa tra ta dty hooill glen, bee dty chorp ooilley ayns slane soilshey: agh tra ta lheamys er dty hooill, bee dty chorp myrgeddin ayns slane dorraghys.

Noo Luke 18:14

Ta mee ginsh diu, dy jagh y dooinney shoh sheese gys e hie er ny heyrey roish y jeh elley: son bee dy chooilley er ta dy hoiaghey eh-hene seose, er ny injillaghey; as bee eshyn ta dy injillaghey eh-hene, er ny hoiaghey seose.

Romanee 14:23

As t’eshyn ta fo dooyt, er ny gheyrey my t’eh gee, er-y-fa nagh vel eh gee ayns credjue: son cre-erbee nagh vel veih credjue, te peccah.

1 Peddyr 5:5

Myrgeddin shiuish sleih aegey, bee-jee arrymagh da’n chenndeeaght: dy jarroo bee-jee ooilley ayns biallys yn derrey yeh gys y jeh elley, as bee-jee coamrit lesh injillid aigney: son ta Jee soiaghey eh-hene noi’n vooinjer voyrnagh, as t’eh coyrt grayse dauesyn ta imlee.