Raaghyn Creeney 21:16 - Yn Vible Casherick 1775 1819

¹⁶ Eshyn ta er-shaghryn veih’n raad dy hushtey, bee e chronney marish ny merriu deyrit.

Raaghyn Creeney 21:16 ပူးပေါင်းရင်းမြစ်များ

Psalmyn 125:5

Er son nyn lheid as ta chyndaa reesht gys yn olkys oc hene: leeidee yn Chiarn ad magh marish ny drogh-yantee; agh bee shee er Israel.

Psalmyn 49:14

T’ad lhie ’syn oaie myr kirree ta’n baase caigney orroo, as bee reill ec y sleih cairal harrystoo ’sy voghrey: hed yn aalid oc mow ayns yn oaie ass ny cummallyn oc.

Raaghyn Creeney 11:19

Myr ta cairys leeideil gys bea: myr shen, eshyn eiyrys er yn olk, t’eh geiyrt er gys e hoyrt-mow hene.

Raaghyn Creeney 13:20

Eshyn ta taaghey marish deiney creeney, bee eh creeney: agh bee sheshey ommydanyn currit naardey.

Raaghyn Creeney 19:16

Eshyn freillys ny annaghyn, t’eh freayll yn annym echey hene: agh hed eshyn mow, nagh vel geill echey gys e raaidyn.

Raaghyn Creeney 2:13

Ta treigeil cassanyn yn ynrickys, dy huill ayns raaidyn y dorraghys.

Raaghyn Creeney 5:23

Yiow eh baase gyn ynsagh, as ayns mooadys e ommijys hed eh er-shaghryn.

Raaghyn Creeney 9:18

Agh cha vel fys echey dy vel ny merriu ayns shen; as dy vel ny goaldee ecksh ayns diunidyn niurin.

Ezekiel 18:24

Agh tra ta’n dooinney cairal chyndaa ersooyl veih e chairys, as cur-rish mee-chairys, as jannoo lurg ooilley ny peccaghyn eajee ta’n drogh ghooinney cur-roo, bee y lheid echeysyn bio? ooilley’n chairys t’eh er n’yannoo, cha bee eh enmyssit da: ayns e loghtyn t’eh er n’yannoo, as ayns e pheccah t’eh er ny ve cur-rish, ayndoosyn yiow eh baase.

Zephaniah 1:6

As adsyn ta er chur cooyl rish y Chiarn, as adsyn nagh ren shirrey huggey, ny briaght er e hon.

Ephesianee 2:1

As shiuish t’eh er vioghey, va marroo ayns loghtyn as peccah.

Hebrewnee 10:38

Son bee’n dooinney cairagh er ny hauail liorish credjue: agh my ver dooinney erbee cooyl gys y chredjue, cha gow m’annym veg y taitnys ayn.

1 Ean 2:19

Hie ad magh voïn, agh cha row ad j’in: son dy beagh ad j’inyn, v’ad dyn dooyt er hannaghtyn mârin: agh hreig ad shin, dy voddagh enney v’er ny choyrt orroo, nagh row ad ooilley j’inyn.

Jude 1:12

T’ad shoh spuitt ayns nyn guirraghyn dy ghraih, tra t’ad ec gien mêriu, lhieeney ad-hene fegooish aggle: bodjallyn t’ad gyn ushtey, eebrit lesh y gheay; biljyn ta’n blaa oc fioghey, fegooish mess, keayrt as keayrt er n’gholl naardey, astyrit ass ny fraueyn;