Raaghyn Creeney 21:12 - Yn Vible Casherick 1775 1819

¹² Ta’n dooinney cairal dy creeney goaill huggey hene stayd drogh-sleih; dy vel Jee coyrt naardey drogh-yantee son nyn ghrogh-yannoo.

Raaghyn Creeney 21:12 ပူးပေါင်းရင်းမြစ်များ

Genesis 19:29

As haink eh gy-kione, lurg da Jee v’er stroie ard-valjyn yn cheer rea, dy chooinee Jee er Abraham, as hug eh Lot magh ass mean y traartys, tra stroie eh ny ard-valjyn raad va Lot cummal.

Lioar Yob 5:3

Ta mee er vakin yn drogh ghooinney goaill fraue: agh dy leah honnick mee mollaght er e hie.

Lioar Yob 8:15

Ver eh ’varrant er e hie, agh cha jean eh shassoo; nee eh niartaghey eh, agh cha jean eh farraghtyn.

Psalmyn 107:43

Quoi-erbee ta creeney nee ad goaill ny reddyn shoh gys nyn gree: as toiggee ad kenjallys-ghraihagh y Chiarn.

Psalmyn 52:5

Va taitnys ayd dy loayrt dy chooilley ockle oddagh assee y yannoo: O uss hengey oalsey.

Raaghyn Creeney 13:6

Ta ynrickys dy choadey eshyn ta jeeragh ’sy raad: agh ta peccah cur naardey yn drogh-yantagh.

Raaghyn Creeney 14:11

Bee thie ny mee-chrauee tilgit bun-ry-skyn: agh nee ynnyd-vaghee deiney mie blaaghey.

Raaghyn Creeney 14:32

Ta’n mee-chrauee eiyrit ersooyl ayns e olkys: agh ec yn er-crauee ta treishteil eer ayns e vaase.

Raaghyn Creeney 29:16

Tra ta drogh-yantee bishaghey, ta drogh-yannoo goaill niart: agh hee sleih cairal yn lhieggey oc.

Hosea 14:9

Quoi ta creeney, as nee eh toiggal ny reddyn shoh? toiggalagh, as yiow eh fys orroo? son ta raaidyn y Chiarn jeeragh, as nee’n vooinjer ynrick gimmeeaght ayndoo: agh nee ny mee-viallee cherraghtyn lioroo.

Amos 4:11

Ta mee er hilgey paart j’iu bun-ry-skyn, myr ren Jee rish Sodom as Gomorrah, as va shiu myr stoo saueit ass yn aile: ny-yeih, cha vel shiu er hyndaa hym’s, ta’n Chiarn dy ghra.

1 Corinthianee 10:5

Agh jeh ymmodee jeu cha row Jee feer wooiagh; son v’ad er nyn goyrt mow ayns yn aasagh.