Raaghyn Creeney 21:1 - Yn Vible Casherick 1775 1819

¹ Ta cree y ree ayns laue y Chiarn, myr ny strooanyn ushtey: t’eh dy hyndaa ad raad saillish hene.

Raaghyn Creeney 21:1 ပူးပေါင်းရင်းမြစ်များ

2 Reeaghyn 19:33

Yn raad haink eh, er shen nee eh chyndaa, as cha jig eh gys yn ard-valley shoh, ta’n Chiarn dy ghra.

Ezra 1:1

Nish, ayns y chied vleïn jeh Cyrus ree Phersia (dy voddagh goo’n Chiarn liorish beeal Yeremiah v’er ny chooilleeney) hug eh ayns cree Cyrus ree Phersia, dy ockley magh trooid ooilley e reeriaght, as myrgeddin dy beagh eh ayns screeu, gra,

Ezra 1:2

Myr shoh ta Cyrus ree Phersia dy ghra, Ta’n Chiarn Jee t’ayns niau, er choyrt dooys ooilley reeriaghtyn ny ashoonyn shoh, as er choyrt currym orrym dy hroggal thie da ec Jerusalem, t’ayns Judah.

Ezra 6:22

As dreill ad feailley yn arran-millish shiaght laa lesh boggey, son va’n Chiarn er choyrt daue gennallys liorish chyndaa cree ree Assyria huc, dy niartaghey nyn laueyn ayns obbyr thie Yee, Jee Israel.

Nehemiah 1:11

O Hiarn, ta mee guee ort, lhig da dty chleaysh nish geaishtagh rish padjer dty harvaant, as rish padjer dty harvaantyn, ta aggindagh dy ghoaill aggle roish dty ennym: as cur dty vannaght, ta mee guee ort, yn laa shoh, lesh dty harvaant, as giall da foayr ayns shilley yn dooinney shoh. Son va mish shirveishagh cappan y ree.

Nehemiah 2:4

Eisht dooyrt y ree rhym, Cre ta dty yeearree? Er shoh ren mee my phadjer gys Jee niau.

Nehemiah 2:8

As screeuyn gys Asaph forrester y ree, dy choyrt dou fuygh, dy yannoo postyn son giattyn cooyrt y chiamble, as son voalley yn ard-valley, as son y thie hem stiagh ayn. As my yeearree hug y ree dou, myr va laue vie my Yee mârym.

Esther 2:17

As bynney lesh y ree Esther, erskyn ooilley ny mraane, as hooar ee foayr as aigney-mie ayns e hilley, erskyn ooilley ny moidynyn; myr shen dy hoie eh yn crown reeoil er y chione eck, as ren eh ee yn ven-reïn, ayns ynnyd Vashti:

Psalmyn 105:25

Ny creeaghyn ocsyn va myr shen er ny hyndaa, dy row dwoaie oc er e phobble: as hug ad drogh ghellal da e harvaantyn.

Psalmyn 106:46

Bannit dy row yn Chiarn Jee dy Israel veih dy bragh, as seihll gyn jerrey: as lhig da ooilley’n pobble gra, Amen.

Psalmyn 114:3

Honnick y faarkey shoh, as ren eh chea: va Jordan er ny imman noi’n choorse.

Psalmyn 114:5

Cre haink ort’s, O aarkey, dy ren oo chea: as ort’s, Yordan, dy row er dty imman back?

Psalmyn 74:15

Woaill oo king y Leviathan ayns peeshyn: as hug oo eh dy ve son beaghey da’n pobble ayns yn aasagh.

Psalmyn 93:4

Ta ny thooillaghyn er hroggal, O Hiarn, ta ny thooillaghyn er hroggal seose nyn goraa: ta ny thooillaghyn er hroggal seose ny tonnyn oc.

Exodus 7:3

As neem’s cree Pharaoh y chreoghey, as nee’m soilshaghey ymmodee jeh my chowraghyn, as my yindyssyn ayns cheer Egypt.

Raaghyn Creeney 16:1

Ta smooinaghtyn y chree veih’n dooinney hene: agh ansoor y chengey veih’n Chiarn.

Raaghyn Creeney 16:9

Ta cree dooinney kiarail ro-laue: agh shee yn Chiarn ta reill e chesmadyn.

Raaghyn Creeney 20:24

Ta kesmadyn dooinney fo reill y Chiarn, kys oddys dooinney eisht e raad hene y hoiggal?

Isaiah 43:19

Cur-my-ner, neem’s red noa y yannoo: eer nish hene te cheet er-ash; nagh der shiu geill da? nee’m raad y yannoo ’syn aasagh hene, as awinyn ’syn eaynagh.

Isaiah 44:27

Ta gra rish y diunid, Bee er dty hyrmaghey, as chyrmee-yms seose dty awinyn;

Jeremiah 39:12

Gow eh, as jeeagh dy mie da, as ny cur drogh ghellal da; agh jean er e hon cre-erbee t’eh dy yeearree.

Daniel 4:35

As cha vel ooilley cummaltee ny hooirey agh jeh beggan foaynoo; as t’eh jannoo cordail rish e aigney ayns ny sheshaghtyn flaunyssagh, as fud cummaltee ny hooirey; as cha vod fer erbee y laue echeysyn y lhiettal, ny gra rishyn, Cre t’ou dy yannoo?

Jannoo 7:10

As livrey eh eh veih ooilley e heaghyn, as hug eh da foayr as creenaght ayns shilley Pharaoh ree Egypt; as ren eh eh ny chiannoort er Egypt, as ooilley e hie.

Ashlish 16:12

As gheayrt y cheyoo ainle e chappan er awin vooar Euphrates; as va e ushtey chyrmit seose, dy voddagh raad ve jeant aarloo da reeaghyn y shiar.

Ashlish 16:4

As ren y trass ainle e chappan y gheayrtey magh er ny awinyn as farraneyn ushtey; as haink ad dy ve fuill.