Raaghyn Creeney 20:8 - Yn Vible Casherick 1775 1819

⁸ Yn ree ta ny hoie er stoyl y vriwnys, t’eh skeayley ersooyl dy chooilley olk lesh e hooillyn.

Raaghyn Creeney 20:8 ပူးပေါင်းရင်းမြစ်များ

2 Samuel 23:4

As bee eh myr soilshey’n voghrey, ec irree ny greïney, eer myr moghrey gyn bodjallyn; myr y faiyr ta gaase ass y thalloo liorish bree sollys y ghrian lurg frassyn.

1 Reeaghyn 7:7

Eisht ren eh porch son y stoyl-briwnys, veih shen dy hirveish briwnys, eer yn porch-quaallagh: as ve coodit lesh cedar, veih’n derrey heu jeh’n laare gys y cheu elley.

Psalmyn 72:4

Freillee eh yn vooinjer ôney ayns nyn gair: cloan y voght nee eh y endeil, as ny tranlaasee y cherraghey.

Psalmyn 92:9

Agh bee my chione’s er ny hroggal seose myr eairk unicorn: son ta mee er m’ooilaghey lesh ooil noa.

Psalmyn 99:4

Ta pooar y ree graihagh er briwnys; t’ou er hoiaghey seose cairys: t’ou er chooilleeney briwnys as ynrickys ayns Jacob.

Raaghyn Creeney 16:12

Te dwoaiagh ayns reeaghyn, ad dy yannoo aggair: son ta’n stoyl-reeoil cummit seose liorish cairys.

Raaghyn Creeney 20:26

Ta ree creeney skeayley ny mee-chrauee, as tayrn y whueeyl harrystoo.

Raaghyn Creeney 25:5

Scugh ny mee-chrauee veih fenish y ree, as bee e stoyl-reeoil er ny niartaghey ayns cairys.

Raaghyn Creeney 29:14

Yn ree ta dy firrinagh briwnys son ny boghtyn, bee yn stoyl-reeoil echeysyn er ny hickyraghey son dy bragh.

Isaiah 32:1

Cur-my-ner, nee ree reill ayns ynrickys, as nee princeyn gymmyrkey reill ayns briwnys.

Noo Mian 12:30

Eshyn nagh vel lhiam, t’eh m’oï: as eshyn nagh vel chymsaghey mârym, t’eh skeayley.