Raaghyn Creeney 20:7 - Yn Vible Casherick 1775 1819

⁷ Ta dooinney cairal shooyl ayns e ynrickys: ta e chloan bannit ny yeï.

Raaghyn Creeney 20:7 ပူးပေါင်းရင်းမြစ်များ

Genesis 17:7

As nee’m my chonaant y niartaghey eddyr mish as uss, as dty luight dty yeï, ayns ny sheelogheyn oc, son conaant dy bragh farraghtyn, dy ve my Yee dhyt’s as da dty luight dty yeï.

Lioar Yob 1:1

Va dooinney ayns cheer Uz, va’n ennym echey Job; as va’n dooinney cheddin slane ynrick as jeeragh, goaill aggle roish Jee, as shaghney olk.

Psalmyn 112:2

Bee yn sluight echey niartal er y thalloo: bee bannaght cour yn vooinjer ynrick.

Psalmyn 15:2

Eshyn dy jarroo ta leeideil bea ôney: as ta jannoo yn red ta jeeragh, as ta loayrt yn irriney veih e chree.

Psalmyn 26:1

Bee uss my vriw, O Hiarn, son ta mee er n’ymmyrkey mee hene gyn loght: ta my varrant neesht er ny ve er y Chiarn, er-y-fa shen cha duittym.

Psalmyn 26:11

Agh er my hon’s, nee’m gimmeeaght gyn loght: O livrey mee, as bee myghinagh dou.

Psalmyn 37:26

Ta’n fer-cairagh dy bragh myghinagh, as geeasaght: as ta e luight er ny vannaghey.

Raaghyn Creeney 13:22

Ta dooinney mie faagail eiraght da cloan e chlienney: as ta cooid y drogh-yantagh stoyrit cour yn er-cairagh.

Raaghyn Creeney 14:2

Eh ta gimmeeaght ayns ynrickys, t’eh goaill aggle roish y Chiarn: agh t’eshyn ta camlaagagh ayns e raaidyn soiaghey beg jeh.

Raaghyn Creeney 14:26

Ayns aggle y Chiarn ta shickyrys treishteil: as ec y chloan echey vees boayl dy chemmyrk.

Raaghyn Creeney 19:1

Ny share ta’n boght ta gimmeeaght ayns e ynrickys, na eh ta camlaagagh ayns e veillyn, as ny ommydan.

Isaiah 33:15

Eshyn ta gimmeeaght ayns ynrickys, as loayrt yn irriney; eshyn ta dwoaie echey er cosney tranlaasagh, ta craa e laueyn veih goaill leagh briwnys, ta dooney e chleayshyn veih clashtyn fuill, as jeigh e hooillyn veih fakin olk;

Jeremiah 32:39

As ver-yms daue un chree, as un chredjue, dy vod ad aggle y ghoaill roym son dy bragh, son y foays oc hene, as nyn gloan nyn yeï:

Noo Luke 1:6

As v’ad ny-neesht cairagh kiongoyrt rish Jee, gimmeeaght ayns ooilley annaghyn as oardaghyn y Chiarn gyn loght.

Jannoo 2:39

Son ta’n gialdyn diuish as da nyn gloan, as dauesyn ooilley ta foddey jeh, dy jarroo da whilleen as vees er nyn eam liorish nyn Jiarn Jee.

2 Corinthianee 1:12

Son shoh nyn moggey, feanish nyn gooinsheanse, ayns ônid, as ynrickys crauee, cha nee lesh creenaght seihltagh, agh liorish grayse Yee, dy vel shin er n’ymmyrkey shin hene ’sy theihll, as foddey smoo ny mast’ euish.