Raaghyn Creeney 20:3 - Yn Vible Casherick 1775 1819

³ Te son goo mie dooinney dy chur streeu dy fea: agh bee dy chooilley pheeikear jannoo boirey.

Raaghyn Creeney 20:3 ပူးပေါင်းရင်းမြစ်များ

Genesis 13:7

As va streeu eddyr bochillyn Abram as bochillyn Lot: as va’n Canaanite as y Perizzite cummal ayns y cheer ec y traa cheddin.

Genesis 13:8

As dooyrt Abram rish Lot, Ny lhig da streeu erbee ta mee guee ort, ve eddyr mish as uss, as eddyr ny bochillyn aym’s as ny bochillyn ayd’s, son braaraghyn shin.

2 Reeaghyn 14:9

As hug Jehoash ree Israel fys gys Amaziah ree Yudah, gra, Hug yn onnane v’ayns Lebanon chaghteraght gys y cedar v’ayns Lebanon, gra, Cur dty inneen da my vac son ben: as hie baagh oaldey v’ayns Lebanon shaghey, as stamp eh fo-chosh yn onnane.

Raaghyn Creeney 14:17

Eshyn ta siyragh gys corree, t’eh ny ommydan, as dooinney lesh saaseyn olk, t’eh dwoaiagh.

Raaghyn Creeney 14:29

Eshyn ta moal gys corree, t’eh dy hushtey vooar: agh ta’n dooinney jeh cree siyragh dy vrah yn ommijys echey hene.

Raaghyn Creeney 16:32

Eshyn ta moal gys corree, t’eh ny s’ooasle na’n er niartal, as eh ta freayll e spyrryd hene fo smaght, na eshyn ta goaill ard-valley.

Raaghyn Creeney 17:14

Ta toshiaght streeu myr lhiggey raad da thooilley: shen-y-fa lhig voïd anvea, my jed eh er y hoshiaght.

Raaghyn Creeney 18:6

Ta meillyn yn ommydan dellal ayns streeu, as e veeal doostey bwoailtys.

Raaghyn Creeney 19:11

Ta keeayl dooinney dy chastey e chorree: as te yn ghloyr echey [ny cheayrtyn] dy lhiggey lesh yn aggair.

Raaghyn Creeney 21:24

Craidoilagh moyrnagh as sonnaasagh ta’n ennym echeysyn, ta dy mooaralagh dellal ayns corree dewil.

Raaghyn Creeney 26:17

Eshyn ta trooid taghyrt goaill ayrn ayns streeu, nagh vel bentyn da, t’eh myr fer ta goaill moddey ry-chleayshyn.

Ephesianee 4:32

As bee-jee dooie yn derrey yeh da’n jeh elley, meiygh-chreeagh, leih da y cheilley dy jarroo myr ta Jee son graih Chreest er leih diuish.

Jamys 3:14

Agh my ta eu myskid sharroo as streeu ayns nyn greeaghyn, ny jean-jee boggyssagh, as ny jean-jee breg noi’n irriney.

Jamys 4:1

Cre voish ta cheet caggaghyn as streeughyn nyn mast’ eu? nagh vel ad cheet veih shoh, dy jarroo veih nyn sayntyn, ta caggey ayns nyn oltyn?