Raaghyn Creeney 20:18 - Yn Vible Casherick 1775 1819

¹⁸ Ta dy chooilley chiarail, liorish coonceil, er ny niartaghey: as lesh coyrle vie gow laue rish caggey.

Raaghyn Creeney 20:18 ပူးပေါင်းရင်းမြစ်များ

1 Reeaghyn 1:12

Tar nish er-y-fa shen, as lhig dooys, ta mee guee ort, coyrle y choyrt dhyt, dy vod oo dty vioys hene, as bioys dty vac Solomon, y hauail.

2 Reeaghyn 18:20

T’ou gra, (agh goan fardalagh ad,) Ta coyrle as niart aym son y chaggey. Nish quoi er t’ou coyrt dty varrant, dy vel oo girree-magh m’oï?

Raaghyn Creeney 11:14

Raad nagh vel coyrle, ta’n theay goll naardey: agh ayns ymmodee fir-choyrlee ta sauchys.

Raaghyn Creeney 15:22

Fegooish coyrle ta kiarailyn deiney cheet gys veg: agh ayns ymmodee fir-choyrlee ta shickyrys.

Raaghyn Creeney 24:6

Son lesh coyrle chreeney hed oo laue rish caggey: as ayns ymmodee fir-choyrlee ta sauchys.

Raaghyn Creeney 25:8

Ny gow magh dy siyragh gys streeu, er-aggle nagh bee fys ayd cre dy yannoo, my vees eh harrish, tra ta dty naboo er dty choyrt gys nearey.

Noo Luke 14:31

Ny cre’n ree ragh dy yannoo caggey noi ree elley, nagh soiagh sheese hoshiaght dy ghoaill coyrle, vel eh son goll magh lesh jeih thousaneyn ny whail echeysyn ta cheet n’oï lesh feed thousane?

Briwnyn 19:30

As shen myr ve, dy dooyrt ooilley ny honnick eh, Cha row lheid yn olk jeant ny er ny akin, er-dyn laa haink cloan Israel seose magh ass Egypt gys y laa jiu: smooinee-jee er, gow-jee coyrle, as insh-jee nyn aigney.

Briwnyn 20:18

As dirree cloan Israel, as hie ad seose gys thie Yee, dy hirrey coyrle er Jee, as dooyrt ad; Quoi hed seose hoshiaght dy chaggey noi cloan Venjamin? as dooyrt y Chiarn, Judah hed seose hoshiaght.

Briwnyn 20:23

(As hie cloan Israel seose, as ren ad dobberan fenish y Chiarn, derrey’n astyr, as hir ad coyrle jeh’n Chiarn, gra, Jem seose reesht dy chaggey noi cloan Venjamin my vraar? As dooyrt y Chiarn, Gow seose n’oï.)

Briwnyn 20:7

Cur-my-ner, ta shiu ooilley cloan Israel, cur-jee nyn goyrle ’sy chooish shoh.

Briwnyn 9:29

As dy baillish Jee dy beagh yn pobble shoh fo my laue’s! eisht yinnin’s Abimelech y scughey. As dooyrt eh mychione Abimelech, Niartee dty heshaght-chaggee, as tar magh.