Raaghyn Creeney 20:11 - Yn Vible Casherick 1775 1819

¹¹ Eer lhiannoo, as oddys baght ve goit jeh, liorish e ymmyrkey, vel caslys mie ny sie jeh.

Raaghyn Creeney 20:11 ပူးပေါင်းရင်းမြစ်များ

2 Recortyssyn 34:3

Son ayns y hoghtoo vleïn jeh e reill, choud’s v’eh foast aeg, v’eh aggindagh dy hirveish Jee Ghavid e ayr: as ’sy nah vleïn yeig ren eh toshiaght dy scughey ass Judah as Jerusalem ny ard-ynnydyn, as ny keylljyn, as ny jallooyn grainnit, as ny jallooyn lheït.

Psalmyn 51:5

Cur-my-ner va mee er my chummey ayns olkys: as ayns peccah ren my voir m’y yiennaghtyn.

Psalmyn 58:3

Ta ny mee-chrauee frourtagh, dy jarroo veih breïn nyn mayrey: cha leah as t’ad er nyn ruggey, t’ad goll er-shaghryn, as loayrt breagyn.

Raaghyn Creeney 20:12

Yn cleaysh ta clashtyn, as y sooill ta fakin, she’n Chiarn t’er chiaddey ad ny-neesht.

Raaghyn Creeney 21:8

Ta raad y pheccagh camlaagagh as quaagh: agh er son yn er ynrick ta’n obbyr echey jeeragh.

Raaghyn Creeney 22:15

Ta ommijys fraueit ayns cree paitchey: agh nee yn slatt smaghtee geiyrt magh eh.

Noo Mian 7:16

Ver shiu enney orroo liorish nyn messyn. Vel mess y villey-feeyney er ny heiy jeh drineyn, ny mess y villey-figgagh jeh onnaneyn?

Noo Luke 1:15

Son bee eh ooasle ayns shilley yn Chiarn, as cha n’iu eh feeyn ny jough lajer, as bee eh er ny lhieeney lesh y Spyrryd Noo, veih eer breïn e vayrey.

Noo Luke 1:66

As adsyn ooilley cheayll shoh, hasht ad ayns nyn greeaghyn ad, gra, Cre’n monney dy ghooinney vees eh shoh? as va laue yn Chiarn mârish.