Raaghyn Creeney 20:1 - Yn Vible Casherick 1775 1819

¹ Ta feeyn ny chialgeyr, jough lajer te eulyssagh: as quoi-erbee ta mollit lioroo, cha vel eh creeney.

Raaghyn Creeney 20:1 ပူးပေါင်းရင်းမြစ်များ

2 Samuel 11:13

As tra va David er chuirrey eh, ren eh gee as giu ayns e enish; as ren eh er-meshtey eh: as ec yn astyr hie eh magh dy lhie er e lhiabbee marish sharvaantyn e hiarn, agh cha jagh eh sheese gys e hie.

2 Samuel 13:28

Nish va Absalom er churmal e harvaantyn, gra, Gow-jee tastey nish, tra vees cree Amnon gennal lesh feeyn, as tra jir-yms riu, Bwoaill-jee Amnon; eisht marr-jee eh; ny bee aggle erriu: nagh nee mish t’er n’oardaghey shiu? bee-jee creeoil, as prow-jee dunnal.

Raaghyn Creeney 23:20

Ny jean taaghey marish iuderyn-feeyney, mastey eederyn-foalley jollyssagh.

Raaghyn Creeney 31:4

Cha vel eh son reeaghyn, O Lemuel, cha vel eh cooie da reeaghyn dy chur-rish feeyn; ny da princeyn dy ghoaill jough lajer:

Isaiah 28:7

Agh t’adsyn myrgeddin er n’gholl er-shaghryn liorish feeyn, as liorish jough lajer t’ad ass y raad: ta’n saggyrt as y phadeyr fo shaghrynys liorish jough lajer, t’ad baiht ayns feeyn, t’ad ass y raad liorish jough lajer; t’ad mollit ayns ashlish, t’ad leaystey ayns briwnys.

Isaiah 5:11

Smerg dauesyn ta girree ’sy vadran dy chur-rish jough lajer, as tannaghtyn ayn fud-ny-hoie, derrey ta feeyn dy chur er-rouyl ad!

Isaiah 5:22

Smerg dauesyn ta trean dy iu feeyn, as deiney niartal dy heiy jough veshtyllagh:

Isaiah 56:12

Tar-jee, as adsyn, ver-ym lhiam feeyn as lhieen mayd shin hene lesh jough lajer, as bee mairagh myr y laa jiu, as foddey s’rouanee.

Hosea 4:11

Ta maarderys, as feeyn, as feeyn noa dy chleayney yn cree.

Hosea 7:5

Ayns laa yn ree ain, ta ny princeyn er n’yannoo ching jeh lesh nyn moteilyn feeyney, t’eh er heeyney magh e laue marish ny craidoilee.

Leviticus 10:9

Ny jean giu feeyn ny jough lajer, uss, ny dty vec mayrt, tra ta shiu goll stiagh ayns y chabbane-agglish, er-aggle dy vow shiu baase: bee shoh slattys kinjagh trooid nyn sheelogheyn:

Habakkuk 2:5

Dy jarroo myrgeddin son dy vel eh rouanagh ayns feeyn, t’eh ny ghooinney mooaralagh, chamoo t’eh freayll ec y thie, ta mooadaghey e vian myr yn oaie, as t’eh myr y baase, nagh vod ve jeant magh, agh ta cruinnaghey huggey dy chooilley ashoon, as carnaneaghey da hene dy chooilley phobble:

1 Corinthianee 6:10

Ny maarlee, ny ny sayntoilee, ny meshtyllee, ny oltooanee, ny tranlaasee, eiraght ayns reeriaght Yee.

Galatianee 5:21

Troo, dunverys, meshtyrys, glutteraght, as y lheid: my-nyn-gione ta mee ginsh diu ro-laue, myr ta mee myrgeddin er n’insh diu ayns y traa t’er n’gholl shaghey, nagh vow adsyn ta cur rish lheid ny reddyn, reeriaght Yee ayns eiraght.

Ephesianee 5:18

As ny bee-jee er-meshtey lesh feeyn, ayn ta neu-heeltys; agh bee-jee er nyn lhieeney lesh y Spyrryd;