Raaghyn Creeney 2:9 - Yn Vible Casherick 1775 1819

⁹ Eisht nee oo toiggal cairys, as briwnys, as corrymid: dy jarroo dy chooilley raad mie.

Raaghyn Creeney 2:9 ပူးပေါင်းရင်းမြစ်များ

Psalmyn 119:105

Ta dty ghoo londeyr da my chassyn: as soilshey da my chesmadyn.

Psalmyn 119:99

Ta ny smoo dy hushtey aym na t’ec my ir-ynsee: son ayns dty recortyssyn ta mee baarail my smooinaghtyn.

Psalmyn 25:12

Bee’n annym echey ec aash: as yiow e luight yn cheer ayns eiraght.

Psalmyn 32:8

T’ou uss ynnyd dy m’ollaghey ayn, nee uss m’y choadey veih seaghyn: nee oo m’y chombaasal er dy chooilley heu lesh arraneyn-moyllee dy livrey-ys.

Raaghyn Creeney 28:5

Cha vel deiney olkyssagh toiggal briwnys: agh adsyn ta shirrey yn Chiarn, t’ad toiggal dagh nhee.

Raaghyn Creeney 4:12

Tra t’ou shooyl, cha bee dty chesmadyn chionnit, as tra t’ou roie, cha jean oo skyrraghtyn.

Raaghyn Creeney 4:18

Agh ta raad y vooinjer chrauee myr yn soilshey sollys, ta soilshean ny smoo as ny smoo derrey’n ard-vunlaa.

Raaghyn Creeney 8:20

Mish y leeideilagh ayns raad yn ynrickys, ayns ny cassanyn jeeragh dy vriwnys.

Isaiah 35:8

As bee raad-mooar ayns shen, eer raad vees enmyssit, Yn raad dy ynrickys; cha jed adsyn ta neu-ghlen er; agh bee eh son y vooinjer elley: cha lhiass da troailtee, ga dy veggan tushtey, goll er-shaghryn ayn.

Isaiah 48:17

Myr shoh ta’n Chiarn dty Er-kionnee gra, Jee casherick Israel; Mish y Chiarn dty Yee ta dty ynsaghey gys dty vondeish hene, ta dty leeideil er y raad ayn lhisagh oo gimmeeaght.

Jeremiah 6:16

Myr shoh ta’n Chiarn dy ghra, shass-jee ayns ny raaidyn as shir-jee, as brie-jee son ny shenn cassanyn, eer yn raad mie shen, as eiyr-jee er, as yiow shiu fea gys nyn anmeenyn. Agh dooyrt ad, Cha jean mayd gimmeeaght ayndoo.

Noo Ean 14:6

Dooyrt Yeesey rish, Mish y raad, yn irriney, as y vea: cha vel dooinney erbee cheet gys yn Ayr, agh liorym’s.