Raaghyn Creeney 2:6 - Yn Vible Casherick 1775 1819

⁶ Son ta’n Chiarn coyrt creenaght: ass y veeal echeysyn ta cheet fysseree as tushtey.

Raaghyn Creeney 2:6 ပူးပေါင်းရင်းမြစ်များ

1 Reeaghyn 10:24

As va ooilley’n seihll shirrey gys Solomon, dy chlashtyn e chreenaght, va Jee er choyrt ayns e chree.

1 Reeaghyn 3:12

Cur-my-ner, ta mee er n’yannoo cordail rish dty ghoan: jeeagh, ta mee er choyrt dhyt cree creeney as tushtagh, myr shen nagh row unnane erbee roish dty hraa casley rhyt, chamoo dty lurg nee unnane erbee troggal seose corrym rhyt.

1 Reeaghyn 3:9

Cur er-y-fa shen da dty harvaant cree tushtagh, dy vriwnys dty phobble, dy voddym cronnaghey eddyr mie as sie: son quoi ta abyl dy vriwnys ad shoh dty phobble ta cha earrooagh?

1 Reeaghyn 4:29

As hug Jee da Solomon creenaght as tushtey erskyn towse, as feoiltys cree, eer myr y gheinnagh ta rish oirr ny marrey.

1 Recortyssyn 22:12

Erskyn ooilley dy der y Chiarn dhyt’s creenaght as tushtey, dy ghoaill ort y currym dy reill Israel, as dy reayll leigh’n Chiarn dty Yee;

Ezra 7:25

As uss Ezra, lurg creenaght dty Yee, t’ayns dty laue, jean soiaghey seose fir-oik, as briwnyn, dy vriwnys ooilley’n pobble t’er cheu elley jeh’n awin, ooilley lheid as ta toiggal leighyn dty Yee, as ynsee adsyn nagh vel toiggal ad.

Nehemiah 7:5

As hug my Yee eh ayns my chree, dy haglym cooidjagh ny ard-gheiney, as ny fir-reill, as y pobble, dy ghoaill yn earroo oc, rere nyn gynneeyn: as hooar mee lioar ny kynneeyn ocsyn, haink seose ec y toshiaght, as hooar mee scruit ayn,

Lioar Yob 12:13

Marish Jee ta creenaght as niart, dasyn ta bentyn coyrle as tushtey.

Lioar Yob 12:16

Mârishyn ta niart as creenaght: ta’n er-mollit as y molteyr fo e reill.

Lioar Yob 22:22

Gow, ta mee guee ort, yn leigh veih e veeal, as tasht seose e ghoan ayns dty chree.

Lioar Yob 32:8

Agh ta spyrryd ayns dooinney; as ta bree yn Ooilley-niartal cur tushtey daue.

Psalmyn 119:104

Trooid dt’annaghyn ta mee geddyn tushtey: shen-y-fa ta dwoaie aym er dy chooilley ghrogh raad.

Psalmyn 119:34

Cur dou tushtey, as freill-ym dty leigh: freill-ym eh dy jarroo lesh ooilley my chree.

Psalmyn 119:98

T’ou uss trooid dt’annaghyn er my yannoo ny s’creeney na my noidyn: son t’ad dy kinjagh mârym.

Psalmyn 19:7

Ta leigh yn Chiarn ny leigh gyn foill, niartaghey yn annym: ta recortyssyn y Chiarn shickyr, as coyrt creenaght da’n vee-hushtagh.

Psalmyn 19:8

Ta slattyssyn y Chiarn jeeragh, as coyrt boggey da’n chree: ta sarey yn Chiarn ynrick, as coyrt soilshey da ny sooillyn.

Psalmyn 51:6

Agh cur-my-ner, t’ou shirrey firrinys ayns ny ayrnyn er cheu-sthie: as ver oo orrym toiggal creenaght dy follit.

Psalmyn 94:10

Ny eshyn ta cummal seose ny ashoonyn: she eshyn ta gynsaghey da dooinney tushtey, nagh jean eshyn kerraghey?

Exodus 31:3

As ta mee er lhieeney eh lesh spyrryd Yee, ayns creenaght, as ayns tushtey, as ayns schleï, ayns dy chooilley vonney dy obbyr,

Raaghyn Creeney 6:23

Son ta’n anney myr cainle, as ta’n leigh soilshey; as smaght lesh ynsagh, te raad y vea.

Ecclesiastes 2:26

Son ta Jee cur creenaght as tushtey, as gerjagh da’n dooinney ta mie ayns e hilley: agh da’n drogh ghooinney t’eh coyrt imnea, dy haglym as dy chruinnaghey cooid, dy ve faagit dasyn ta mie ayns shilley Yee. Ta shoh myrgeddin fardail as seaghney cree.

Isaiah 54:13

As bee ooilley dty chloan ynsit liorish y Chiarn; as s’mooar vees shee dty chlienney.

Isaiah 8:20

Shir-jee gys y leigh as gys y recortys: mannagh vel ad loayrt cordail rish yn goo shoh, te er-yn-oyr nagh vel veg y toilshey ayndoo.

Daniel 1:17

Agh er son ny kiare scollagyn shoh, hug Jee daue tushtey as schleï ayns dy chooilley ynsaghey as creenaght: as va fysseree ec Daniel ayns dy chooilley cheint dy ashlishyn as dreamallyn.

Daniel 2:21

As t’eh caghlaa ny traaghyn as ny imbaghyn, t’eh scughey reeaghyn as soiaghey seose reeaghyn, t’eh coyrt creenaght dauesyn ta creeney, as tushtey dauesyn ta toiggal tushtey.

Daniel 2:23

Ta mee cur booise dhyt’s, as dy dty voylley, O uss Yee my ayraghyn, ta er choyrt dou creenaght as niart, as nish er hoilshaghey dou shen va shin dy yeearree ort: son t’ou nish er hoilshaghey dooin cooish y ree.

Noo Luke 21:15

Son ver-yms diu beeal as creenaght, nagh bee ooilley nyn noidyn son loayrt ny shassoo magh n’oï.

Noo Ean 6:45

Te scruit ayns ny phadeyryn, As bee ad ooilley ynsit liorish Jee. Dy chooilley ghooinney er-y-fa shen t’er chlashtyn, as er n’ynsaghey veih yn Ayr, t’eh cheet hym’s.

Jamys 1:17

Ta dy chooilley ghioot mie, as dy chooilley ghioot firrinagh veih’n yrjey, as cheet neose veih Ayr y toilshey, mârish nagh vel caghlaa erbee, ny scadoo dy hyndaa.

Jamys 1:5

My ta veg euish feme creenaght, lhig da geearree er Jee, ta coyrt dy feoilt da dy chooilley ghooinney, as nagh vel mooaraghey, as bee eh er ny choyrt da.