Raaghyn Creeney 2:5 - Yn Vible Casherick 1775 1819

⁵ Eisht toiggee oo aggle y Chiarn, as yiow briaght jeh tushtey dty Yee.

Raaghyn Creeney 2:5 ပူးပေါင်းရင်းမြစ်များ

Lioar Yob 28:28

As rish dooinney dooyrt eh, Cur-my-ner, aggle y Chiarn, shen ta creenaght; as dy haghney yn olk, shen ta tushtey.

Raaghyn Creeney 1:7

Ta aggle y Chiarn toshiaght tushtey: agh ta ommydanyn soiaghey beg jeh creenaght, as ynsagh.

Raaghyn Creeney 28:7

Eshyn ta freayll y leigh, t’eh ny vac creeney: agh eh ta sheshey deiney jollyssagh, t’eh naaraghey e ayr.

Raaghyn Creeney 8:17

Shynney lhiam adsyn shynney lhieu mee, as adsyn hirrys mee dy leah, yiow ad mee.

Raaghyn Creeney 9:10

Ta aggle y Chiarn toshiaght creenaght, as dy hoiggal casherickys, ta shoh tushtey.

Isaiah 33:6

As bee creenaght as tushtey shickyrys dty laghyn, as niart dty haualtys: ta aggle y Chiarn yn verchys echey.

Jeremiah 24:7

As ver-ym daue cree dy chur enney orrym’s, dy nee mish y Chiarn; as bee adsyn y pobble aym’s, as beem’s yn Jee ocsyn: son nee ad chyndaa reesht hym’s lesh nyn slane cree.

Jeremiah 31:34

As cha n’ynsee ad ny smoo dagh dooinney e naboo, as dy chooilley ghooinney e vraar, gra, Ynsee-jee tushtey yn Chiarn: son bee ad ooilley as tushtey oc jeem’s, veih’n er sloo gys yn er smoo jeu, ta’n Chiarn dy ghra: son leih-yms daue nyn loghtyn, as cha gooin-yms er y peccah oc ny smoo.

Jeremiah 9:24

Agh lhig dasyn ta boggyssagh, boggyssagh ayns shoh, dy vel toiggal as tushtey echey jeem’s, dy nee mish y Chiarn ta soilshaghey kenjallys-ghraihagh, briwnys, as cairys, er y thalloo: son ayns ny reddyn shoh ta mee goaill taitnys, ta’n Chiarn dy ghra.

Hosea 6:3

Eisht bee tushtey ain, my hem mayd er nyn doshiaght ayns ainjys y Chiarn: ta’n goll-magh echey eunyssagh myr aalid y voghrey, as hig eh hooin myr y fliaghey; myr y fliaghey toshiaght as jerrey ny bleeaney er y thalloo.

Noo Mian 11:27

Ta dy chooilley nhee er ny livrey dooys liorish my Ayr: as cha nhione da dooinney erbee yn Mac, agh yn Ayr: chamoo shione da dooinney erbee yn Ayr, agh y Mac, as eshyn da s’gooidsave lesh yn Mac eh y hoilshaghey.

Noo Luke 10:22

Ta dy chooilley nhee er ny livrey dooys liorish my Ayr: as cha vel fys ec unnane erbee quoi yn Mac, agh yn Ayr; ny quoi yn Ayr, agh yn Mac, as eshyn da nee yn Mac eh y hoilshaghey.

Noo Ean 17:3

As shoh yn vea veayn, tushtey y ve oc jeed’s yn ynrycan Jee firrinagh, as jeh Yeesey Creest t’ou uss er choyrt.

1 Ean 5:20

As ta fys ain dy vel Mac Yee er jeet, as er choyrt dooin tushtey, dy vod mayd enney y choyrt ersyn ta firrinagh: as ta shin aynsyn ta firrinagh, dy jarroo ayns e Vac Yeesey Creest. Shoh yn Jee firrinagh, as yn vea dy bragh farraghtyn.