Raaghyn Creeney 2:4 - Yn Vible Casherick 1775 1819

⁴ My shirrys oo ee myr argid, as ronsaghey er y hon eck, myr son berchys follit;

Raaghyn Creeney 2:4 ပူးပေါင်းရင်းမြစ်များ

Genesis 26:32

As haink eh gy-kione yn laa cheddin, dy daink sharvaantyn Isaac, as dinsh ad da my chione y chibbyr v’ad er chleiy; as dooyrt ad rish, Ta shin er gheddyn ushtey.

Lioar Yob 3:21

Ta goaill foddeeaght son y vaase, as cha vel eh cheet; as cleiy er y hon ny smoo na son berchys follit;

Psalmyn 119:127

Son shynney lhiam dty annaghyn: erskyn airh as claghyn costal.

Psalmyn 119:14

Ta taitnys wheesh er ve aym ayns raad dty leighyn: as ayns dy chooilley vonney dy verchys.

Psalmyn 119:72

Ta leigh dty veeal ny smoo dy voggey dou: na millaghyn dy airh as argid.

Psalmyn 19:10

Ny smoo t’ad dy v’er nyn yeearree na airh, dy jarroo, na mooarane airh ghlen: ny s’miljey neesht na mill, as y kere-volley.

Raaghyn Creeney 16:16

Cre-woad share te dy chosney creenaght na airh? as dy gheddyn tushtey, dy ve reiht roish argid.

Raaghyn Creeney 2:3

Dy feer, my eïe-ys oo dy ard son keeayll, as my hroggys oo dty choraa son toiggal;

Raaghyn Creeney 23:23

Kionnee yn irriney, as ny creck eh; myr-chaagh, creenaght, as ynsagh, as keeayl,

Raaghyn Creeney 4:7

Ta creenaght yn ard-vannaght, shen-y-fa fow creenaght: as lesh ooilley dty chooid-seihlt jean tushtey y chosney.

Raaghyn Creeney 8:17

Shynney lhiam adsyn shynney lhieu mee, as adsyn hirrys mee dy leah, yiow ad mee.

Ecclesiastes 4:8

Ta ayn fer ny-lomarcan, as cha vel echey sheshey; dy jarroo chamoo t’echey lhiannoo ny braar: ny-yeih cha vel jerrey er ooilley e hooilleil, chamoo ta e hooill jeant magh lesh berchys; chamoo t’eh gra, Quoi son ta mee tooilleil, as gobbal gerjagh da my annym? Ta shoh myrgeddin fardail, dy feer te obbyr seaghnagh.

Noo Mian 13:44

Reesht ta reeriaght niau goll-rish berchys follit ayns magher: yn verchys cheddin tra ta dooinney dy gheddyn magh, t’eh dy choodaghey eh, as ayns boggey jeh t’eh goll as creck ooilley ny t’echey, as kionnaghey yn magher cheddin.

Noo Mian 19:29

As dy chooilley unnane t’er hreigeil thieyn, ny braaraghyn, ny shayraghyn, ny ayr, ny moir, ny ben, ny cloan, ny thalloo, er graih m’ennym’s, yiow ad keead-filley, as eiraght ayns y vea veayn.

Noo Luke 16:8

As voyll y chiarn y stiurt neu-chairagh, er-y-fa dy row eh er n’yannoo dy creeney: son ta cloan y theihll shoh ayns nyn sheeloghe ny s’creeney na cloan y toilshey.