Raaghyn Creeney 2:21 - Yn Vible Casherick 1775 1819

²¹ Son nee deiney ynrick cummal ’sy cheer, as nee feallagh ny firrinys tannaghtyn ayn.

Raaghyn Creeney 2:21 ပူးပေါင်းရင်းမြစ်များ

Lioar Yob 1:1

Va dooinney ayns cheer Uz, va’n ennym echey Job; as va’n dooinney cheddin slane ynrick as jeeragh, goaill aggle roish Jee, as shaghney olk.

Lioar Yob 42:12

Myr shoh vannee’n Chiarn jerrey bea Yob ny smoo na’n toshiaght: son v’echey kiare thousaneyn jeig keyrragh, as shey thousane camel, as thousane whing dy ghew, as thousane assyl bwoirryn.

Psalmyn 37:11

Agh yiow adsyn ta jeh spyrryd meen eiraght ayns y cheer: as bee ad er nyn ooraghey ayns mooarane shee.

Psalmyn 37:18

Ta fys ec y Chiarn er laghyn y vooinjer chrauee: as farree yn eiraght oc son dy bragh.

Psalmyn 37:22

Nee adsyn ta bannit dy Yee, baghey ’sy cheer: as adsyn t’eh er gheyrey vees astyrit ass ny fraueyn.

Psalmyn 37:29

Bee’n sleih neu-chairagh er nyn gerraghey: er son sluight ny mee-chrauee, bee eh astyrit ass ny fraueyn.

Psalmyn 37:3

Cur uss dty varrant er y Chiarn, as jean dy mie: jean cummal ayns y cheer, as bee oo dy firrinagh er dty yannoo magh.

Psalmyn 37:9

Bee drogh-yantee er nyn astyrt ass ny fraueyn: as adsyn ta dy surransagh farkiaght er y Chiarn, yiow ad shoh eiraght ’sy cheer.

Psalmyn 84:11

Bare lhiam currym y dorrys y ve orrym ayns thie my Yee: na dy vaghey ayns cabbaneyn ny mee-chrauee.

Raaghyn Creeney 10:30

Cha bee yn vooinjer chairal dy bragh astyrit: as cha bee ny mee-chrauee foddey-beayn er y thalloo.

Raaghyn Creeney 28:10

Eshyn ver deiney cairal er-shaghryn ayns drogh raad, tuittee eshyn ’syn ooig echey hene: agh ec y vooinjer yeeragh bee reddyn mie ayns nyn gummal.