Raaghyn Creeney 2:20 - Yn Vible Casherick 1775 1819

²⁰ Dy vod oo shooyl ayns raad deiney mie, as freayll kesmadyn y vooinjer chairal.

Raaghyn Creeney 2:20 ပူးပေါင်းရင်းမြစ်များ

Psalmyn 119:115

Ass my enish, shiuish ghrogh-yantee: freill-yms annaghyn my Yee.

Psalmyn 119:63

Ta mee my heshey dauesyn ooilley ta goaill aggle royd: as ta freayll dty annaghyn.

Raaghyn Creeney 13:20

Eshyn ta taaghey marish deiney creeney, bee eh creeney: agh bee sheshey ommydanyn currit naardey.

Raaghyn Creeney 4:11

Ta mee er dty ynsagh ayns raad ny creenaght: ta mee er dty leeideil ayns cassanyn jeeragh.

Raaghyn Creeney 4:18

Agh ta raad y vooinjer chrauee myr yn soilshey sollys, ta soilshean ny smoo as ny smoo derrey’n ard-vunlaa.

Raaghyn Creeney 8:20

Mish y leeideilagh ayns raad yn ynrickys, ayns ny cassanyn jeeragh dy vriwnys.

Jeremiah 6:16

Myr shoh ta’n Chiarn dy ghra, shass-jee ayns ny raaidyn as shir-jee, as brie-jee son ny shenn cassanyn, eer yn raad mie shen, as eiyr-jee er, as yiow shiu fea gys nyn anmeenyn. Agh dooyrt ad, Cha jean mayd gimmeeaght ayndoo.

Hebrewnee 6:12

Nagh bee shiu lhag-chreeagh, agh eiyrtyssee orroosyn, ta trooid credjue as meenid er chosney ny gialdynyn.

3 Ean 1:11

Charrey, ny eiyr er yn olk, agh er shen ta mie. Eshyn ta jannoo mie, t’eh jeh Jee: agh eshyn ta jannoo olk, cha vel eh er vakin Jee.