Raaghyn Creeney 2:2 - Yn Vible Casherick 1775 1819

² Myr shen dy jean oo croymmey dty chleaysh gys creenaght, as chyndaa dty chree gys tushtey;

Raaghyn Creeney 2:2 ပူးပေါင်းရင်းမြစ်များ

Psalmyn 90:12

Ynsee dooin myr shen dy earroo nyn laghyn: dy vod ny creeaghyn ainyn ve soit er creenaght.

Raaghyn Creeney 18:1

Ta dooinney, lurg e aigney, scarrey eh-hene [veih cooishyn elley] as shirrey magh, as dellal ayns dy chooilley chreenaght.

Raaghyn Creeney 2:3

Dy feer, my eïe-ys oo dy ard son keeayll, as my hroggys oo dty choraa son toiggal;

Raaghyn Creeney 23:12

Croym dty chree gys ynsagh, as dty chleayshyn gys ny goan dy chreenaght.

Raaghyn Creeney 4:1

Eaisht-jee shiuish chloan, rish ynsagh nyn ayr, as bee-jee imneagh dy hoiggal tushtey.

Raaghyn Creeney 4:20

My vac, cur geill da my ghoan, croym dty chleaysh gys my raaghyn.

Raaghyn Creeney 6:32

Agh quoi-erbee ta brishey poosey, t’eh laccal tushtey: eshyn ta dy yannoo eh, t’eh stroie yn annym echey hene.

Ecclesiastes 7:25

Hyndaa mee my chree dy hoiggal, as dy vriaght, as dy hirrey magh creenaght, as bun dy chooilley nhee, as dy hoiggal olkys mee-hushtey, eer ommijys as mee-cheilid.

Ecclesiastes 8:16

Tra ren mee my chree y haaghey dy gheddyn oayll er creenaght, as dy akin y dellal ta jeant er y thalloo: (son ta myrgeddin fer ayn, nagh vel, oie ny laa, cadley cheet er e hooillyn.)

Ecclesiastes 8:9

Ooilley shoh ta mee er vakin, as er hyndaa my chree gys dy chooilley obbyr, t’er ny yannoo fo’n ghrian: ta traa ayn dy vel dooinney jannoo tranlaase er dooinney gys yn assee echey hene.

Isaiah 55:3

Croym-jee nyn gleaysh, as tar-jee hym’s; clasht-jee, as bee yn annym eu bio; as nee’m conaant dy bragh farraghtyn riu, dy jarroo myghinyn shickyr Ghavid.

Noo Mian 13:9

Eshyn ta cleayshyn echey dy chlashtyn, lhig da clashtyn.

Jannoo 17:11

V’ad shoh jeh cree s’ooasle na ny Thessalonianee, ayns dy deaisht ad rish y goo lesh slane arryltys aigney, ronsaghey ny scriptyryn gagh laa, nee shoh myr va ny reddyn shen.